RAGAM MAKANAN RANG AWAK (2)
Urang di sakitar Danau Maninjau, Kecamatan Tanjung Raya, Kabupaten Agam, alah lamo tahu jo Palai Rinuak sebagai salah satu makanan khas daerahnyo.
Bahan utamonyo adolah ikan rinuak, ikan nan ukurannyo sangaik ketek dan manjadi salah satu hasia perairan Danau Maninjau. Rinuak dikenal sebagai ikan nan khas dari perairan Maninjau. Karano itu, olahan rinuak punyo hubungan nan kuaik jo kehidupan urang di kawasan tu.
Dalam tradisi mamasak urang Minangkabau, palai bukannyo sekadar nama makanan. Palai juo manunjuak kapado caro mangolah makanan, yaitu bahan makanan dicampua jo bumbu, dibungkuih jo daun pisang, sudah tu dimasak.
Biaso palai dimasak jo caro dikukuih. Pado caro tatantu, sasudah dikukuih dilanjuikkan pulo jo dibaka atau dipanggang di ateh baro.
Rinuak ukurannyo sangaik ketek. Karano itu, ikan ko biaso indak paralu dipotong atau dibarasiahkan takah ikan nan gadang. Sasudah dibarasiahkan, rinuak langsung dicampua jo bumbu.
Urang di sakitar Danau Maninjau indak hanyo mambuek rinuak manjadi palai. Rinuak juo bisa diolah manjadi rakik atau peyek rinuak, digoreng, digulai, dibuek perkedel, dan macam-macam olahan lainnyo.
Jadi, dari ikan nan ketek tu lahia banyak macam makanan khas Maninjau.
Caro mambuek Palai Rinuak sebenarnya sederhana. Rinuak nan masih segar dibarasiahkan dahulu. Sasudah tu dicampua jo bumbu nan lazim dipakai dalam masakan Minangkabau.
Salah satu bahan nan umum dipakai adolah karambia parut. Karambia maagiah raso guriah sekaligus membantu mambuek tekstur palai.
Bumbunyo bisa terdiri dari lado merah, bawang merah, bawang putiah, kunyik, garam, sarato berbagai rampah jo daun-daunan nan maagiah bau harum.
Namun, resep Palai Rinuak indaklah samo di setiap tampek. Antaro rumah nan ciek jo rumah nan lain bisa babedo. Baitu pulo antaro ciek daerah jo daerah nan lain.
Campuran rinuak, karambia, jo bumbu sudah tu dilatakkan di ateh daun pisang. Daun pisang dilipuik dan dibungkuih manjadi ciek bungkuihan ketek, lalu dimasak.
Pado sebagian caro tradisional, palai dikukuih dahulu. Sasudah tu dipanggang atau dibaka sabanta di ateh baro. Caro ko mambuek baun daun pisang manjadi labiah harum.
Di sikolah salah satu daya tarik Palai Rinuak. Baun ikan, rampah, karambia, jo daun pisang nan tasentuh angek baro basatu manjadi satu baun nan khas bana.
Palai Rinuak mampunyai raso gurih, padeh, jo harum rampah. Raso guriah datang dari ikan jo karambia parut, samantaro lado jo bumbu maagiah karakter khas masakan Minangkabau.
Nan mambueknyo babedo dari pepes ikan biaso adolah ukuran ikan rinuak nan sangaik ketek. Bilo dimasak basamo bumbu jo karambia, ikan akan basatu jo adonan. Jadi, satiok suok mambarikan raso ikan sekaligus raso bumbu.
Palai Rinuak biaso dimakan basamo nasi hangek. (Tan Parpartiah)
Baca Juga: Ampiang Dadiah
