RAGAM MAKANAN RANG AWAK (4)
Indak ado hubungan antaro makanan ko jo suku Bugis, walaupun dalam lafaz Minangkabau kato “Bugis” diucapkan “Bugih”. Sampai kini indak ado sumber nan pasti menarangkan apo sababnyo makanan ko mamakai kato Bugih sebagai namo.
Lapek Bugih dikenal dan dibuek di berbagai daerah Minangkabau. Karano itu, makanan ko dapek dipandang sebagai bagian dari khazanah penganan urang Minang, tamasuak dalam kehidupan masyarakat di kawasan Maninjau.
Lapek Bugih adolah salah satu penganan tradisional Minangkabau nan dibuek terutama dari tapuang sipuluik atau bareh sipuluik, santan, karambia, jo gulo. Sasudah itu dibungkuih jo daun pisang dan dikukuih. Bantuaknyo umumnyo manyarupai segitigo atau limas ketek. Teksturnyo lambuik, kenyal, jo agak lengket, jo paduan raso manih jo gurih.
Nan mambuek Lapek Bugih menarik bukannyo hanyo rasanyo. Di baliak sabungkuih kue nan sederhana tu ado carito tantang percampuran budaya, tradisi keluarga, hubungan minantu jo mintuo, bulan Ramadan, kenduri, dan kabiasoan urang Minangkabau mambao makanan sebagai tando penghormatan.
Bahan Lapek Bugih sangaik dakek jo kehidupan urang kampuang: tapuang sipuluik atau bareh sipuluik, santan, karambia parut, gulo merah atau saka, bisa pulo gulo pasir, garam, dan daun pisang sebagai pambungkuih.
Mambuek Lapek Bugih dimulai jo manyiapkan adonan sipuluik. Tapuang sipuluik dicampua jo santan atau aia dan saketek garam sampai manjadi adonan nan lambuik dan bisa dibantuak.
Samantaro itu dibuek inti dari karambia parut nan dimasak basamo gulo.
Gulo merah maagiah warna kecokelatan dan raso manih nan lebih kuaik. Sadangkan gulo pasir menghasiakan inti nan warnanyo labiah tarang.
Karambia dimasak sampai gulo meresap dan adonan manjadi cukuik padek untuak dijadikan inti. Adonan sipuluik sudah tu dipipihkan.
Di bagian tangah dilatakkan inti karambia. Adonan ditutuik baliak sahinggo inti barado di bagian dalam. Sasudah tu adonan dibungkuih jo daun pisang. Bantuak nan paliang mudah dikenal adolah segitigo atau limas ketek. Bungkuihan sudah tu dikukuih sampai masak.
Proses pengukusan mambuek sipuluik manjadi lambuik jo kenyal. Pado wakatu nan samo, baun daun pisang masuak ka dalam penganan sahinggo mamberikan harum khas nan indak didapek kalau Lapek Bugih dimasak tanpa pembungkuih daun pisang.
Sipuluik mamberikan raso guriah jo tekstur kenyal. Santan menambah kegurihan. Karambia mamberikan bau harum jo tekstur, sadangkan gulo mamberikan raso manih.
Bilo sadonya basatu, lahia raso manih-guriah nan khas.
Ado pulo satu hal nan indak kalah penting, yaitu bau daun pisang.
Lapek Bugih jo Tradisi Maanta Pabukoan
Salah satu sisi budaya Lapek Bugih nan menarik adolah hubungannyo jo tradisi maanta pabukoan.
Dalam tradisi urang Minangkabau, tarutamo nan berkembang di Pariaman jo Padang Pariaman, di bulan Ramadan ado kabiasoan menantu padusi mambao makanan untuak pabukoan mintuo.
Makanan nan dibao bisa bermacam-macam, tamasuak makanan tradisional takah Lapek Bugih.
Jadi, Lapek Bugih bukannyo sakadar makanan.
Lapek Bugih manjadi lambang hubungan kekeluargaan, tando hormat, dan sarana mampaarek silaturahmi antaro minantu jo mintuo. (Tan Parpatiah)
Baca juga: Lamang Baluo
