Pado maso dahulu, hiduiklah saurang puti nan banamo Puti Panjang Togai. Puti adolah anak ciek-cieknyo Datuak Togai Kamayan dan Sitia Nurua. Konon, kaba nan takambang dalam masyarakaik, kaluargo ko marupokan kaluargo tapandang di kampuang tampeknyo tingga. Puti Panjang Togai marupokan anak gadih nan tanamo elok sarato indak sombong kapado urang-urang nan ado di kampuang tanpo mamiliah kawan dan marupokan anak nan pambarani.
Puti Panjang Togai taruih bamanuang di tapi batang aia untuak mananangan pikirannyo. Di tangah malam Puti bamimpi basonyo di hari nan ka datang tampek tingganyo berado di dalam aia, nan sarupo istano gadang. Ketiko inyo tajago pado pagi arinyo, Puti mancaritokan mimpi malam tadi kapado bundo.
“Bundo, malam patang ko Denai bamimpi manganai ari nan ka datang ko tampek tingga Puti berado di dalam aia.”
“Itu hanyo mimpi nak, mimpi hanyo bungo tidua, jan kau pikian bana,” Bundo manjawek sarato jo galak.
“O, jadi baitu, Bundo,” katoPuti sambia mamikian mimpinyo.
“Iyo, Nak, makonyo jan kau pikian bana.”
Pado malam harinyo sabalun lalok, Puti taruih taringek jo mimpinyo dan bapikia apo bana makasuik mimpinyo tu. Dek lah lamo bana bapikia, akhianyo Puti talalok juo. Kaisuakan arinyo, Puti bamanuang baliak di tapi batang aia, tibo-tibo kalua saikua anak buayo di hadapannyo. Puti takajuik dan langsuang manakok anak buayo tu. Akhianyo anak buayo mati dibueknyo. Kamudian, balari baliak untuak mangecekan ka Bundo.
“Bundo, tadi Denai indak sangajo mambunuh anak buayo nan ado di aia Batangari Bundo!” mangecek jo angok putuih-putuih.
“Apo! Iyo bana tu, Puti?” pakiak Bundo takajuik.
“Iyo, Bundo, sasudah Puti takok buayo tu, inyo indak manggarik lai. Puti tinggaan anak buayo tu di tapi batang aia.”
“Capek baliak ka batang aia tu, baok anak buayo tu kamari untuak dikubua di lakang rumah ko,” kecek Bundo cameh.
Karano manuruik sasapuah nan ado di kampung tampek tingga nak urang tu, iyo ado buayo nan manjago aia Batangari tu, dan dipakuaik jo tahayua-tahayua.
“Iyo, bundo!” Puti capek balari ibaraik kilek nan manyamba baliak ka batang aia untuak maambiak anak buayo tu.
Namun sesampainyo di tapi batang aia, Puti barusaho mancari kasinan kamari, tapi anak buayo indak basuo lai, tarnyato anak buayo tu indak ado lai, mahilang tanpo jajak. Akhinyo jo raso takuik, Puti baliak pulang dan mancaritoan ka bundo basonyo anak buayo tu indak ado lai di tapi batang aia.
“Bun, Bundo, denai indak dapek mambao anak buayo tu sabab iyo indak ado di tapi batang aia lai.”
“Mano mungkin, Puti, apo bana kau alah sungguah-sungguah mancarinyo?”
“Iyo bana, Bundo.”
“Yo, kalau baitu, capeklah kau mandi karano matohari hampia tabanam.”
Katiko dalam pajalanan baliak salasai mandi, Puti mancaliak ado sapasang laki bini nan sadang batangka dan Puti bagageh baliak mamanggia ayah bundo untuak dapek malarai sapasang laki bini tu, kamudian Puti mananyoan apo sabab Uda jo Uni batangka.
“Assalamualaikum, maaf Uni, ado apo ribuik-ribuik coiko kok lai buliah Puti batanyo, ado masalah apo sahinggo batangka?” Puti batanyo sambia senyum.
“Indak ado apo-apo, Puti, Uda Puti ko indak parnah mamikian kami.”
“Apo maksuiknyo, Ni?” Puti batanyo jo raso binguang.
“Uda Puti ko indak parnah pulang ka rumah salamo sabulan ko.”
“Apo bana?” Datuak Togai Panjang batanyo mamotong pambicaraan.
“Iyo, Datuak, maafkan ambo indak ka ambo ulang lai.”
“Waang bajanji?”
“Janji, Datuk,” manunduakan kapalo.
“Itu indak jiwa laki-laki nan batangguang jawab. Waang paham tu.”
“Iyo, Datuak, ambo paham.”
Akhianyo masalah keluargo tu salasai dipabincangan. Ari pun laruik malam. Puti maranuangi kajadian tadi siang, dan akhianyo Puti mulai mangantuak dan Puti pun takalok. Inyo bamimpi batamu jo saikua buayo gadang. Inyo barubah manjadi atuak-atuak gaek baruban. Sambia bakato kapado Puti, “Hai, Puti, manga kau bunuah buayo tu?” batanyo jo raso berang.
“Ampun, Gaek, denai indak sangajo mambunuahnyo.”
“Indak samurah itu, Puti, buayo tu adolah cucu kasayangan ambo, nan alah kau bunuah!”
“Ampunkan denai, Gaek.“
“Kau harus manggantikannyo, Puti! Tingga basamo di siko.”
“Indak, indak,” Puti mamakiak dan tajago.
Puti tajago dari laloknyo jo karingek dingin dan Puti mancaritoan mimpinyo kapado Bundo.
“Bundo, denai bamimpi, ado gaek jalmaan buayo putiah mamintak Puti manggantikan buayo yang denai bunuah di tapi batang aia patang.”
“Bundo sangaik cameh mamikiaan apo nan tajadi pado Puti, Bundo maraso ado parasaan nan indak elok nan ka tibo.”
Tigo minggua alah balalu, Puti jatuah sakik. Maringih kasakikan sambia mangatokan indak-indak dan bakato pado Bundo.
“Bundo, denai indak tahan lai, Bundo, gaek tu salalu sajo mamanggia Puti.”
“Gaek mano, Puti?” Bundo batanyo jo raso galisah.
“Bundo, jiko Puti Indak ado lai di ateh dunia ko, munngkin di alam lain denai dapek manjago nagari kito ko.”
“Bundo, Bundo, Puti akan manjago nagari ko!”, kecek Puti sambia mahambuihan angok tarakhia.
Ari itu juo Puti maningga dunia, walau alah diubek dek dukun tahebat di dalam kampuang maupun di lua kampuang. Urang dalam kampuang maraso kahilangan sosok Puti nan sabana elok kapado urang di kampuang tu, walau talahia dari kaluargo nan tapandang dan disagani urang sakampuang.
Indak taraso wakatu bajalan bagitu capek, satalah tujuah ari Puti maningga, Bundo bamimpi basonyo Puti barubah manjadi saikua buayo putiah nan manjago aia Batangari. Dalam mimpinyo, Puti bakato kapado Bundo.
“ Bundo, kini Puti alah manjadi saikua buayo putiah nan basamayam di aia Batangari ko. Bundo jan maraso sadiah karano Puti tinggaan. Jikok ado nan mambuak kasalahan dalam nagari ko nan batantangan jo adaik basandi syarak, syarak basandi kitabulah, denai akan manaampaan diri sabagai patando alah tajadi kasalahan nan dipabuek dek urang kampuang ko. Jikok ayah jo bundo nak batamu jo denai, tibo lah ka batang aia ko dan baoklah talua ayam itam jamu kamudian pacahan dalam batang aia, Puti akan manampaan diri sarupo buayo putiah.”
Bisuak paginyo Datuak Togai Kamayan dan Sitia Nurua, pai ka batang aia jo mambaok duo talua ayam itam jamu dan mamacahkannyo ka dalam batang aia. Indak lamo aia tu bagalambuang, kalua saikua buayo putiah mandakek ka Datuak Togai Kamayan dan Sitia Nurua, buayo itu manitiakan aia mato. Sitia Nurua bakato, ”Nak, kenapo engkau baitu tega maninggan bundo jo ayah. Kini indak ado lai tampek malapeh panek manjalani kahiduan ko, hanyo tingga baju engkau yang tingga untuak dapek dicaliak-caliak juo”.
Indak lamo sasudah Puti maningga, Satia Nurua jatuah sakik indak nio makan jo minum karano mamikian Puti yang labiah dulu daripado dirinyo. Takadang mangecek jo manangih surang tanpo ado sabab.
“Siti Nurua makanlah saketek nasi iko dahulu, ado pulo samba nan katuju tadi karano patang indak pulo makan.”
“Baa ka makan, nasi tu bana nan indak talulua, antah baa nasib Puti kini, antah lah makan antah alun.”
“Sudahlah, indak usah kau pikian, iklaskan sajo supayo Puti tanang di alamnyo.”
“Ambo indak lapa, salamak apo samba tu, indak ka lamak juo rasonyo. Puti adolah samangaik iduik salain Uda di dunio ko. Kalau lah hilang salah ciek, indak ado guno ambo hiduik lai do.”
Akhianyo Satia Nurua maningga. Kini Datuak Togai Kamayan hanyo hiduik surang bak cando batang pinang nan tagak surang salamo bara tahun ko. Karano umua nan samakin tuo juo, dihinggok panyakik badannyo. Kuruih bak cando ka tabang dibaok angin. Akhianyo balia manyusua Siti Nurua.
Babarapo tahun kamudian, konon Puti Panjang Togai hiduik baliak manjelma sarupo manusia biaso dan manikah jo pamudo di daerah tampek tingga barunyo tu. Konon katonyo dari pernikahannyo lahialah saikua anak buayo putiah. Indak surang pun urang nan tau, kacuali laki jo bidan nan manolong malahian karano memang tampek tingganyo jauah dari pamukiman masyarakaik.
Bidan nan manolong pasalinan takajuik karano anak nan dilahian Puti adolah saikua anak buayo putiah, dan mangecek ka suami Puti.
“Ma, maaf, sabalumnyo, Anak mudo, anak engakau alah lahia.”
“Iyo bana, tapi ambo indak mandanga suaro tangihnyo?”
“Iyo, anak engkau alah lahia, mari ikuiklah ka dalam manamui anak jo bini engkau.“
“Iyo, capeklah, indak saba lo rasonyo nak mancaliak.”
“Bini engkau indak sadarkan diri sasudah malahian, tapi inyo akan elok-elok sajo beko.”
“Di mano anak ambo tu?”
“Iko anak engkau, inyo adolah saikua anak buayo putiah.”
“Apo! Iko indak nak ambo, kecean nan sabananyo baa baiko?”
“Ikolah kaadannyo nan sabananyo.”
“Baiaklah, bia sadolahnyo manjadi rahasio kito. Ambo mintak jan parnah kecean ka urang lain tantang kajadian ko dan pailah jauah dari kampuang ko.”
“Jadi, ambo akan capek pai jauah dari kampuang ko.”
Tak lamo sasudah bidan tu pai, Puti sadar dan langsuang batanyo kapado Puti. “Wahai Puti, jawek jo jujur, apo nan alah tajadi salamo ko?”
“Apo makasuik, Uda batanyo sarupo iko, mano anak kito?”
“Ado dalam ayunan, kau alah malahiaan anak buayo.”
“Apo? Itu indak mungkin, Uda.”
“Itu nan sabananyo, mulai kini ambo akan pai dari rumah ko. Ambo indak namua kanai sial.”
Sasudah kajadian itu, Puti malapehan anaknyo nan bawujuik saikua buayo ka batang aia nan ado di balakang rumahnyo. Kajadian itu balanjuik taruih manaruih sampai iyo maningga dunia.
Indak babarapo lamo sasudah Puti maningga, inyo pun iduik baliak, sampai masayarakaik indak picayo dan babondong- bondong pai ka rumah Puti. Kamudian, Puti melahiaan saikua anak buayo dari pernikahanyo nan kaduo jo pamudo nan pai marantau ka kampuag tu. Hal nan samo taulang baliak dan kambali ditinggaan dek urang nan disayang. Masyarakaik alah banyak nan tau, tapi indak barani maambiak resiko karano Puti bukan manusia biaso.
Kareno Puti alah cukuik pueh jo sagalo nan alah tajadi, akhianyo mamutuihan untuak indak akan manikah baliak samua hiduiknyo.
Babarapo tahun manjando jo kalabiahan nan inyo punyo, Puti manjadi urang nan dituoan. Karano baulang kali maningga, namun dapek iduik baliak, hinggo pado suatu katiko ado seorang pamudo pai ka rumah Puti maminta ubek untuak maubek panyakik anaknyo. Inyo mancaliak keanehan pado saat Puti mamakan siriah namun katiko diludahan ka tanah indak nampak lai do.
Sesampainyo di pamukiman masyarakaik, pamudo tasabuik mancaritoan kajadian yang inyo caliak di rumah Puti kapado masyarakaik kampuang, namun indak ado nan picayo saurang pun. Ciek-ciek pai mambuktikan ka rumah Puti.
Pado suatu pagi, Puti pai ka batang aia nan talatak di balakang rumahnyo untuak mancaliak anak-anaknyo nan harus manarimo kanyataan bahwa anak nan dilahiaan adolah saikua anak buayo.
Walaupun baitu, Puti sangaik manyayangi anak-anaknyo, dan apobila inyo nak manamui anaknyo, mako harus manapuak aia dan anaknyo akan muncul ka ateh aia.
Pado suatu malam, Puti bamimpi ado hal buruk manimpo anaknyo di batang aia, mako pagi arinyo inyo pai ka batang aia untuak mancaliak anaknyo ka batang aia . Tanyato memang batua ado anaknyo nan indak pulang saikua. Dalam mimpinyo, anaknyo sadang batangka jo la gadang dan taluko sahinggo indak dapek pulang.
Untuak mamastian hal tarsabuik inyo menggutus anaknyonan lain untuak mancari anaknyo nan hilang tu dan akhianyo di tamukan ,dibaok baliak.
Salain itu Puti dapek maminta tolong ka pado anaknyo supayo mancari mayik urang nan hanyuik di aia batangari tu. Katiko itu ado masyarakaik nan malaporkan ado urang nan hanyuik mako Puti maminta tolong kapado anak nyo untuak mancari nyo.
“Hai anak-anakku tolong kalian carian mayik pamudo nan tanggalam di batang aia ko”
“Baiklah Mande kami akan mancari mayaik itu jo manyusuri di sapanjang batang aia “
“Bisuak pagi-pagi sakali Mande akan manunggu kalian di tapi batang aia, capek carilah mayik itu kasihan kaluargonyo nan manunggu di rumah”
Keesokan paginyo Puti ke kambali kasungai untuak mananyoan kapado anak-anaknyo.
“Baa anak-anakku apokah kalian dapek manamuan mayik itu..?”
“Tantu Mande mayikt itu talah kami bawo ka pinggia batang aia, tapeknyo di tampek pamandian urang kampuang“ “Baiklah nak… tarimokasiah, pergilah Mande akan
mambari tahu warga kampuang”
Sairiang wakatu bajalan umua Puti pun samakin tuo makonyo di imbau inyik Puti.
Pado suatu ari ado masyarakaik luar kampuang pai bakunjuang ka rumah iniak Puti untuak mamintak tolong mamintak anak padusi.
“Ado apoyo nak, sahinggo tibo bakunjuang ka gubuak inyiak..?
“Ah inyiak bisa sajo “
“Nyiak Denai kamari ingin mminta bantuan supayo daprk anak padusi”
“Baiaklah kalau baitu saya akan manolong sasuai dengan kahandak dan izin Allah Swt”
“Tarimo kasiah nek kalau baitu, Denai akan mambari inyiak saikua kambiang apobilo anak padusi nan Denai lahiaan.
“Upiak apokah kau ado mambuek janji jo inyiak Puti..?” “Memangnyo ado apo uda bartanyo baitu..”
“Tadi padaosaat nak pai ka kabun ado saikua buayo putiah milik inyiak Puti manghadangku di tapi batang aia “
“Apokah bana itu uda, Denai memang barjanji kapado inyiak Puti bahwa satalah Denai malahian anak padusi mako Denai akan mambari saikua kambiang “
“Kalau memang begitu segeralah beli kambing itu dan kita berikan kepada nenek Puti”
Setelah sepasang suami istri itu memberikan seekor kambing jantan kepada nenek Puti buaya putih milik nenek Puti tidak pernah muncul lagi di daerah tersebut,karena memang menurut cerita barang siapa yang berjanji atau bernazar kepada nenek puti walaupun tidak berbicara langsung kepadanya ia tahu dan apabila tidak di tepati buaya
putih yang merupakan jelmaan anak cucu nenek Puti akan datang menampakkan diri di daerah tersebut sampai janji atau nazar tersebut di tepati oleh orang yang menggucapkannya. Dan buaya putih dapat menyelesaikan masalah dalam kampung yang bersifat larangan yang tidak boleh dilangar oleh siapa pun seperti kawin sedarah. Pada suatu hari ada pasangan suami istri yang tinggal di sebuah kampung terpencil, yang mempunyai dua orang anak, laki-laki dan perempuan. Kemudian setelah dewasa anak laki-lakinya pergi merantau,
ia tidak pernah pulang ke kampung halamannya.
Sairiang waktu barjalan, anak perempuannyo pun baranjak gadang, kareno memang perekonomian nan sulik di kampuang mako untuak maringganan baban urang tuonyo. Ida mamutuihan untuak pai marantau.
Pado malam arinyo Ida maminta izin kapada ayah dan Mande.
“Wahai ayah jo Mande … sabalumnyo Ida minta maaf sabananyo ado nan manganjal di hati”
“Apokah hal itu sayang… caritoanlah pado ayah jo Mande“ “Tantu ayah… namun takuik ayah jo Mande akan berang” “Indak anakku kalau masih bisa kami kabulkan mangapo
indak, karno kaulah harapan kami baduo”
“Baik ayah Ida bamaksud ingin maminta izin kepado ayah jo Mande untuak pai marubah nasib ka rantau urang”
“Apo!! Mnde indak satuju kalau kau pai maninggan Mande, cukuiklah abang kau sajo nan sampai saat ko indak kambali lai”
“Tapi Ida barjanji pado Mande jo ayah satalah barhasil di rantau Ida akan pulang”
“Cukuik… Mande indak akan mambarikan izin kapado kau untuak pai”
“Kalau memang itu kaputusan ayah dan Mande, Ida akan manarimonyo”
Satalah mandanga kaputusan kaduo urang tuonyo, Ida salalu maranuang di dalam kamar dan i ndak namuah makan satiok ayah jo Mande mambaok makan, karano inadak tega mancaliak mako ayah jo Mande mambari kan izin kapado Ida. “Ida kamarilah ado sasuatu na ingin ayah dan Mande
katokan “
“Baiklah ayah “
“Satalah ayah dan Mande rundiangkan, kami mambarikanmu izin untuak pai mangadu nasib ka rantau urang, tapi ingek jangan lupo mambari kaba kapado kami di siko”
“Iyo bana ayah…”
“Yo anakku Mande jo ayah maizinan, tapi jan kau lupoan kami di kampuang”
Tibolah wakatu Ida barangkek ka tanah rantau, ayah jo Mande hanyo dapek mancaliak dari jauah Ida malangakah maninggan rumah.
“Ayah… ibu apokah itu kalian” “ Malik…”
“Iyo ayah iko Malik”lansuang mamaluak sang ayah” “Jadi Ida anak ayah dan bararti Ida adiak Malik”
“ Iyo anakku inyo adolah adiak Mlik”
“Baa mungkin ayah…Ambo alah malatakan hati pado adiak surang”
“Apo??? Jadi iko pamudo nan alah bacaritoan ka Mande Ida …?”
“Iyo mande “
“Manga tajadi sarupo iko Ida iko adolah abang knduang kau nan pai marantau”
“Apo…?, ampunan Ida jo abang mandeh, kami indak tau kalau kami basaudaro kanduang dek lah lamo bana inda basuo”
“Kalau baiitu putuihan hubuangan kalian kini juo “
Satalah mangatahui, Ida jo Malik maraso sangaik ta pukua. Mlik mamutuihan baliak ka rantau bia indak taingek ka Ida lai dan Ida tingga di kampuang samo ayah dan Bundo. Namun raso sayang kaduonyo baitu gadang akhianyo manjalin hubungan diam-diam.
Karano hal itu buayo Putiah miliak inyiak Puti kambali manampan dirinyo di kampuang itu sabagai pertando alah tarjadi sesuatu di kampaung itu. Dengan kemunculan buayo tarsabuik masyarakaik manjadi rasah dan pado malam arinyo datanglah mimpi malalui sasapuah nan ado di kampuang tu basonyo ado saudaro nan satali darah nan manjalin hubungan. Satalah di salidiki taryato memang ado yaitu Ida dan Malik yang akhianyo di usia dari kampuang tu satalah itu buayo itu indak manampaan diri lai.
Hal tasabuik alah di pahami masyarakaik, apobilo ado buayo nan datang manampaan diri itu artinyo ado urang nan indak manapekan janji pado inyiak Puti atau sadang ado masalah nan tajadi di kampuang tu dan indak ado masyrakaik nan talok manangkok buayo tu.
Kasaktian inyiak Puti sudah indak di raguan lai, apobilo ado urang nan sadang mangecek tantang inyo, mako isi pambicaraan urang tu dapek di katahui dek inyiak Puti. Sahinggo masyarakaik sangaik manjago dalam bakato tantang inyiak Puti karano akan barakiabai kapao diri awak surang.
Salain inyiak Puti mampunyoi anak saikua buayo inyo mampunyoi tujuah nyawa , sebagai bukti ado babarapo pakubuan nyo nan ado di sampiang rumahnyo. Kalabihan nan inyo punyo marupokan anugrah dari tuhan nan maha kuaso. Selain itu Inyiak Puti melahian buayo putiah nan manjadi panunggu aia batangari dan panjago nagari nan ado di Dharmasraya sekaligus manuruik carito masyarakaik nan bakambang Buayo nan ado di aia batangari adolah anak cucu inyiak Putinan apo bili ado masalah dalam nagari akan kalua buayo putiah tu untuak manampaan diri sabagai tando alah tajadi sesuatu dalam nagari tasabuik.
“Menuruik carito nan bakambang di masyarakaik kabaradoan inyiak Puti kiniko barado di daerah Komang.
Itulah kisah buayo nan barado di aia Batangari, tapeknyo barado di Lubuak Panjang, buayo tasabuik akan muncua jikok ado suatu kasalahan dalam nagari. Sarupo kawin sasuku jo kawin sadarah.
