Padang — Pamarentah Provinsi Sumatera Barat manyiapkan ampek langkah strategis untuak mananggulangi panyalahgunoan narkotika jo persoalan Paanak Jawi (LGBT) nan dinilai makin marisaukan. Langkah ko diambiak dek tingginyo angko kasus narkoba di Ranah Minang sarato kekhawatiran dek makin rancaknyo aktivitas kelompok LGBT malalui media digital.
Gubernur Sumatera Barat, Mahyeldi Ansharullah, manyabuikkan persoalan narkoba jo LGBT indak bisa lai ditangani jo caro biaso. Manuruik inyo, paralu ado kasatuan langkah antaro pamarintah, aparat panagak hukum, niniak mamak, alim ulama, cadiak pandai, bundo kanduang, jo saluruah unsur masyarakaik.
“Kahadiran kito hari ko manjadi sumangaik basamo untuak maminimalisir panyalahgunaan narkoba jo panyimpangan LGBT di Sumatera Barat,” kato Mahyeldi dalam sabuah rapek di Gubernuran, Padang, pakan ko.
Data Badan Narkotika Nasional Provinsi (BNNP) Sumbar manunjuakkan salamo tahun 2025, Sumatera Barat barada pado urutan ka-12 sacaro nasional dalam jumlah tindak pidana narkotika, yakni 1.402 kasus. Sumbar juo masuak ampek gadang nasional dalam panyitaan ganjo jo barang bukti nan mancapai 976,5 kilogram atau ampia sa ton.
Tingginyo angko kasus narkoba ko babaliak ka kapasitas lapas. Sampai 31 Desember 2025, ado 4.318 urang narapidana jo tahanan kasus narkotika nan manjalani hukuman pinjaro di Sumbar.
Samantaro itu, Ketua Yayasan Peduli Sumatera Barat, Akmal Ahmad, manyabuikkan aktivitas kelompok Paanak Jawi LGBT di Sumbar kini dinilai makin tarorganisir jo mamiliah ruang digital sabagai sarana ba interaksi.
“Kondisi panyimpangan LGBT di Sumbar kini alah sampai ka tingkek nan sangat marisaukan. Nan labiah parah, aktivitasnyo kini malalui aplikasi-aplikasi khusus di dunia digital,” keceknyo wakatu manyampaian gambaran kondisi di lapangan.
Biapun tantangan narkoba masih tinggi, BNNP Sumbar mancatat ado kamajuan dalam upayo pancegahan. Jumlah kawasan nan dikatagorikan rawan narkoba turun dari sambilan kawasan pado tahun 2024 manjadi ampek kawasan pado tahun 2025, nan tadiri dari tigo kawasan Waspada jo ciek kawasan Siaga.
Mancaliak kondisi tu, Pamarantah Provinsi Sumbar manyusun ampek langkah strategis. Partamo, mampakuaik katahanan kaluarga malalui pendidikan jo pambekalan pangasuahan anak kapado calon pangantin. Kaduo, mampakuaik nagari sabagai benteng utamo pancegahan malalui program-program positif, di antaro Program Nagari Bersinar (Bersih Narkoba).
Katigo, mangoptimalkan peran Lembaga Kerapatan Adat Alam Minangkabau (LKAAM) dalam mambimbiang anak kamanakan jo mampakuaik pangamalan nilai-nilai adat di tangah masyarakaik. Kaampek, mampakuaik koordinasi Forum Koordinasi Pimpinan Daerah (Forkopimda) mulai dari provinsi sampai kabupaten jo kota supayo upayo pancegahan jo pananganan bisa barjalan labiah padek.
Mahyeldi maminta kolaborasi saluruah unsur masyarakaik bisa mampakuaik katahanan kaluarga, mahiduikkan baliak fungsi nagari jo lembaga adat, sakaligus manurunkan angko panyalahgunaan narkotika di Ranah Minang. (Tan Parpatiah)
Padang — Pamarentah Provinsi Sumatera Barat manyiapkan ampek langkah strategis untuak mananggulangi panyalahgunoan narkotika jo persoalan Paanak Jawi (LGBT) nan dinilai makin marisaukan. Langkah ko diambiak dek tingginyo angko kasus narkoba di Ranah Minang sarato kekhawatiran dek makin rancaknyo aktivitas kelompok LGBT malalui media digital.
Gubernur Sumatera Barat, Mahyeldi Ansharullah, manyabuikkan persoalan narkoba jo LGBT indak bisa lai ditangani jo caro biaso. Manuruik inyo, paralu ado kasatuan langkah antaro pamarintah, aparat panagak hukum, niniak mamak, alim ulama, cadiak pandai, bundo kanduang, jo saluruah unsur masyarakaik.
“Kahadiran kito hari ko manjadi sumangaik basamo untuak maminimalisir panyalahgunaan narkoba jo panyimpangan LGBT di Sumatera Barat,” kato Mahyeldi dalam sabuah rapek di Gubernuran, Padang, pakan ko.
Data Badan Narkotika Nasional Provinsi (BNNP) Sumbar manunjuakkan salamo tahun 2025, Sumatera Barat barada pado urutan ka-12 sacaro nasional dalam jumlah tindak pidana narkotika, yakni 1.402 kasus. Sumbar juo masuak ampek gadang nasional dalam panyitaan ganjo jo barang bukti nan mancapai 976,5 kilogram atau ampia sa ton.
Tingginyo angko kasus narkoba ko babaliak ka kapasitas lapas. Sampai 31 Desember 2025, ado 4.318 urang narapidana jo tahanan kasus narkotika nan manjalani hukuman pinjaro di Sumbar.
Samantaro itu, Ketua Yayasan Peduli Sumatera Barat, Akmal Ahmad, manyabuikkan aktivitas kelompok Paanak Jawi LGBT di Sumbar kini dinilai makin tarorganisir jo mamiliah ruang digital sabagai sarana ba interaksi.
“Kondisi panyimpangan LGBT di Sumbar kini alah sampai ka tingkek nan sangat marisaukan. Nan labiah parah, aktivitasnyo kini malalui aplikasi-aplikasi khusus di dunia digital,” keceknyo wakatu manyampaian gambaran kondisi di lapangan.
Biapun tantangan narkoba masih tinggi, BNNP Sumbar mancatat ado kamajuan dalam upayo pancegahan. Jumlah kawasan nan dikatagorikan rawan narkoba turun dari sambilan kawasan pado tahun 2024 manjadi ampek kawasan pado tahun 2025, nan tadiri dari tigo kawasan Waspada jo ciek kawasan Siaga.
Mancaliak kondisi tu, Pamarantah Provinsi Sumbar manyusun ampek langkah strategis. Partamo, mampakuaik katahanan kaluarga malalui pendidikan jo pambekalan pangasuahan anak kapado calon pangantin. Kaduo, mampakuaik nagari sabagai benteng utamo pancegahan malalui program-program positif, di antaro Program Nagari Bersinar (Bersih Narkoba).
Katigo, mangoptimalkan peran Lembaga Kerapatan Adat Alam Minangkabau (LKAAM) dalam mambimbiang anak kamanakan jo mampakuaik pangamalan nilai-nilai adat di tangah masyarakaik. Kaampek, mampakuaik koordinasi Forum Koordinasi Pimpinan Daerah (Forkopimda) mulai dari provinsi sampai kabupaten jo kota supayo upayo pancegahan jo pananganan bisa barjalan labiah padek.
Mahyeldi maminta kolaborasi saluruah unsur masyarakaik bisa mampakuaik katahanan kaluarga, mahiduikkan baliak fungsi nagari jo lembaga adat, sakaligus manurunkan angko panyalahgunaan narkotika di Ranah Minang. (Tan Parpatiah)
