Padang — Dalam rangka manyumarakkan Hari Ulang Tahun (HUT) ka-81 Kamardekaan Republik Indonesia, Pamarintah Kota Padang malalui Badan Kasatuan Bangso jo Politik (Kesbangpol) ka mambagi-bagikan Bendera Merah Putiah pado hari Sabtu (8/8) di halaman Musajik Raya Syekh Ahmad Al-Minangkabawi, Padang.
Acara nan dimulai pukua 06.30 WIB ko dirangkai jo palapehan peserta Gowes Siti Nurbaya, nan salamo ko lah manjadi agenda tahunan di Kota Padang.
Kapalo Badan Kesbangpol Kota Padang, Syahendri Barkah, manyabuikkan gerakan ko marupokan tindak lanjuik dari Surat Edaran Menteri Dalam Negeri jo Surat Edaran Wali Kota Padang tantang partisipasi manyumarakkan HUT ka-81 Kamardekaan Republik Indonesia.
“Pambagian Bendera Merah Putiah Tahun 2026 ko adolah salah satu ikhtiar untuak manumbuahkan raso nasionalisme, mampakokoh persatuan bangso, sarato maningkekkan raso cinto ka Nagara Kasatuan Republik Indonesia,” katonyo di Padang, Rabaa patang ko (5/8).
Samentaro itu, Kapalo Bidang Idiologi, Wawasan Kabangsaan jo Karakter Bangso Kesbangpol Kota Padang, Nofiandi Amir, mangatokan sampai kini lah takumpua 10 ribu helai Bendera Merah Putiah nan ka dibagiakan kapado masyarakat.
Bendera-bendera tu, katanyo, barasal dari partisipasi basamo aparatur sipil nagari (ASN) di lingkungan Pamarintah Kota Padang, kalangan pangusaha, pihak parbankan, partai politik, sampai ka barbagai unsur masyarakat.
“Hinggo kini lah takumpua sabanyak 10 ribu helai Bendera Merah Putiah. Sadoonyo marupokan buah gotong royong jo partisipasi aktif dari barbagai unsur masyarakat nan punyo niaik samo untuak manyumarakkan bulan kamardekaan,” kato Nofiandi.
Salain mambagikan bendera, Pamarintah Kota Padang juo mangimbau seluruh kantua pamarintahan, dunia usaho, sekolah, organisasi kamasyarakatan, jo masyarakat supayo mangibarkan Bendera Merah Putiah sacara sarantak salamo sabulan panuah, mulai tanggal 1 sampai 31 Agustus 2026.
Masyarakat juo diajak mamasang umbul-umbul, hiasan kamardekaan, sarato mamakai tema jo logo resmi HUT ka-81 RI di lingkungan masing-masing.
Di sampiang itu, Pamarintah Kota Padang mangimbau agar pado Detik-detik Proklamasi, tanggal 17 Agustus 2026 pukuah 10.17 sampai 10.20 WIB, saluruah warga manyisiahkan wakatu sakijok untuak baranti dari aktivitasnyo, badiri tagak jo panuah hormat kutiko Lagu Kabangsaan Indonesia Raya dikumandangkan.
Garakan Pambagian Bendera Merah Putiah ko diharokkan indak sajo manjadi acara simbolik, tapi juo mampakuaik raso sabangso, satanah aia, jo mananamkan baliak semangek gotong royong nan salamo ko lah manjadi pusako urang Minangkabau.
“Merah putiah nan takibar indak hanyo bendera nagara, tapi juo lambang basatunya hati anak bangso dalam manjago kamardekaan nan lah dipajuangkan dek para pahlawan,” kato Kaban Kesbangpol Padang.
Pamarintah Kota Padang maajak saluruah warga untuak hadir jo maramikan Garakan Pambagian Bendera Merah Putiah ko, supayo kobaran semangek kamardekaan tatap hiduik di dalam dada urang Padang, jo manjadi panyamangek untuak taruih mambangun bangso jo nagari.(Tan Parpatiah)
Padang — Dalam rangka manyumarakkan Hari Ulang Tahun (HUT) ka-81 Kamardekaan Republik Indonesia, Pamarintah Kota Padang malalui Badan Kasatuan Bangso jo Politik (Kesbangpol) ka mambagi-bagikan Bendera Marah Putiah pado hari Sabtu (8/8) di halaman Musajik Raya Syekh Ahmad Al-Minangkabawi, Padang.
Acara nan dimulai pukua 06.30 WIB ko dirangkai jo palapehan peserta Gowes Siti Nurbaya, nan salamo ko lah manjadi agenda tahunan di Kota Padang.
Kapalo Badan Kesbangpol Kota Padang, Syahendri Barkah, manyabuikkan gerakan ko marupokan tindak lanjuik dari Surat Edaran Menteri Dalam Negeri jo Surat Edaran Wali Kota Padang tantang partisipasi manyumarakkan HUT ka-81 Kamardekaan Republik Indonesia.
“Pambagian Bendera Marah Putiah Tahun 2026 ko adolah salah satu ikhtiar untuak manumbuahkan raso nasionalisme, mampakokoh persatuan bangso, sarato maningkekkan raso cinto ka Nagara Kasatuan Republik Indonesia,” katonyo di Padang, Rabaa patang ko (5/8).
Samentaro itu, Kapalo Bidang Idiologi, Wawasan Kabangsaan jo Karakter Bangso Kesbangpol Kota Padang, Nofiandi Amir, mangatokan sampai kini lah takumpua 10 ribu helai Bendera Marah Putiah nan ka dibagiakan kapado masyarakat.
Bendera-bendera tu, katanyo, barasal dari partisipasi basamo aparatur sipil nagari (ASN) di lingkungan Pamarintah Kota Padang, kalangan pangusaha, pihak parbankan, partai politik, sampai ka barbagai unsur masyarakat.
“Hinggo kini lah takumpua sabanyak 10 ribu helai Bendera Marah Putiah. Sadoonyo marupokan buah gotong royong jo partisipasi aktif dari barbagai unsur masyarakat nan punyo niaik samo untuak manyumarakkan bulan kamardekaan,” kato Nofiandi.
Salain mambagikan bendera, Pamarintah Kota Padang juo mangimbau seluruh kantua pamarintahan, dunia usaho, sekolah, organisasi kamasyarakatan, jo masyarakat supayo mangibarkan Bendera Marah Putiah sacara sarantak salamo sabulan panuah, mulai tanggal 1 sampai 31 Agustus 2026.
Masyarakat juo diajak mamasang umbul-umbul, hiasan kamardekaan, sarato mamakai tema jo logo resmi HUT ka-81 RI di lingkungan masing-masing.
Di sampiang itu, Pamarintah Kota Padang mangimbau agar pado Detik-detik Proklamasi, tanggal 17 Agustus 2026 pukuah 10.17 sampai 10.20 WIB, saluruah warga manyisiahkan wakatu sakijok untuak baranti dari aktivitasnyo, badiri tagak jo panuah hormat kutiko Lagu Kabangsaan Indonesia Raya dikumandangkan.
Garakan Pambagian Bendera Marah Putiah ko diharokkan indak sajo manjadi acara simbolik, tapi juo mampakuaik raso sabangso, satanah aia, jo mananamkan baliak semangek gotong royong nan salamo ko lah manjadi pusako urang Minangkabau.
“Marah putiah nan takibar indak hanyo bendera nagara, tapi juo lambang basatunya hati anak bangso dalam manjago kamardekaan nan lah dipajuangkan dek para pahlawan,” kato Kaban Kesbangpol Padang.
Pamarintah Kota Padang mangajak saluruah warga untuak hadir jo mamaramekan Garakan Pambagian Bendera Marah Putiah ko, supayo kobaran semangek kamardekaan tatap hiduik di dalam dada urang Padang, jo manjadi panyamangek untuak taruih mambangun bangso jo nagari.(Tan Parpatiah)
