Padang — Sertifikat halal kini indak lai sabateh kawajiban manjalankan syarak, tapi alah manjadi salah satu modal penting untuak mambangkikkan Daya Saiang daerah, malinduangi konsumen, mambukak jalan pamasaran produk UMKM sampai ka pasa dunia. Apolai lai sasudah diberlakukannyo kawajiban Sertifikat halal sacaro nasional pado 17 Oktober 2026.
Gubernur Sumatera Barat, Mahyeldi Ansharullah, mangatokan, halal kini alah manjadi bagian penting dalam pangembangan ekonomi nan basandi pado nilai-nilai agama jo kaparcayaan masyarakaik.
“Halal kini indak lai sabateh kawajiban manjalankan syarak Islam. Halal alah manjadi instrumen penting untuak mambangkikkan Daya Saiang daerah, malinduangi konsumen, mambukak akses pasa nan labiah laweh, sakaligus madorong patumbuahan ekonomi nan basandi pado nilai,” kecek Mahyeldi dalam acara nan dihadiri pulo dek Kapalo Badan Panyalanggaraan Jaminan Produk Halal (BPJPH) RI, Ahmad Haikal Hasan, di Auditorium Gubernuran Sumbar, Padang, pakan ko.
Mahyeldi manyabuik, Sumatera Barat punyo modal sosial nan kuaik dalam mangambangkan ekonomi halal. Sabab, nilai-nilai halal lah lamo manyatu jo falsafah urang Minangkabau, Adat Basandi Syarak, Syarak Basandi Kitabullah (ABS-SBK), nan salamo ko manjadi padoman hiduik masyarakaik.
Komitmen itu, manuruiknyo, indak cuma ado dalam kahidupan basamo, tapi juo lah dituang dalam Rancangan Pambangunan Jangka Manangah Daerah (RPJMD) jo Peraturan Daerah Nomor 1 Tahun 2020 tantang Panyalanggaraan Pariwisata Halal.
Mahyeldi maharokan, falsafah ABS-SBK nan kokoh itu dapek manjadi landasan untuak mambangkikkan Sumatera Barat sabagai salah satu pusat pangembangan industri halal di Indonesia.
Samantaro tu, program Sertifikat halal di Ranah Minang taruih manunjuakkan hasia nan manggadangkan hati. Sampai kini, sabanyak 72.385 palaku usaha alah maikuiki program Sertifikat halal.
Dari jumlah itu, alah tabik 110.114 Sertifikat halal nan mencakup 246.332 produk, baiak dari usaha mikro, ketek, manangah, maupun usaha nan labiah gadang.
Angko itu manunjuakkan makin tingginyo kasadaran palaku usaha di Sumbar untuak manjadikan jaminan halal sabagai nilai tambuah produk, sakaligus mambukak paluang untuak masuak ka pasa nasional jo internasional.
Pamarintah Provinsi Sumatera Barat baraharap, manjapuik mulai barlakunyo kawajiban Sertifikat halal pado Oktober 2026, makin banyak produk urang awak nan ba sertifikat halal, punyo daya saiang tinggi, jo mampu mangangkek martabat ekonomi masyarakaik Minangkabau di pasa dunia. (Tan Parptiah)
Padang — Sertifikat halal kini indak lai sabateh kawajiban manjalankan syarak, tapi alah manjadi salah satu modal penting untuak mambangkikkan Daya Saiang daerah, malinduangi konsumen, mambukak jalan pamasaran produk UMKM sampai ka pasa dunia. Apolai lai sasudah diberlakukannyo kawajiban Sertifikat halal sacaro nasional pado 17 Oktober 2026.
Gubernur Sumatera Barat, Mahyeldi Ansharullah, mangatokan, halal kini alah manjadi bagian penting dalam pangembangan ekonomi nan basandi pado nilai-nilai agama jo kaparcayaan masyarakaik.
“Halal kini indak lai sabateh kawajiban manjalankan syarak Islam. Halal alah manjadi instrumen penting untuak mambangkikkan Daya Saiang daerah, malinduangi konsumen, mambukak akses pasa nan labiah laweh, sakaligus madorong patumbuahan ekonomi nan basandi pado nilai,” kecek Mahyeldi dalam acara nan dihadiri pulo dek Kapalo Badan Panyalanggaraan Jaminan Produk Halal (BPJPH) RI, Ahmad Haikal Hasan, di Auditorium Gubernuran Sumbar, Padang, pakan ko.
Mahyeldi manyabuik, Sumatera Barat punyo modal sosial nan kuaik dalam mangambangkan ekonomi halal. Sabab, nilai-nilai halal lah lamo manyatu jo falsafah urang Minangkabau, Adat Basandi Syarak, Syarak Basandi Kitabullah (ABS-SBK), nan salamo ko manjadi padoman hiduik masyarakaik.
Komitmen itu, manuruiknyo, indak cuma ado dalam kahidupan basamo, tapi juo lah dituang dalam Rancangan Pambangunan Jangka Manangah Daerah (RPJMD) jo Peraturan Daerah Nomor 1 Tahun 2020 tantang Panyalanggaraan Pariwisata Halal.
Mahyeldi maharokan, falsafah ABS-SBK nan kokoh itu dapek manjadi landasan untuak mambangkikkan Sumatera Barat sabagai salah satu pusat pangembangan industri halal di Indonesia.
Samantaro tu, program Sertifikat halal di Ranah Minang taruih manunjuakkan hasia nan manggadangkan hati. Sampai kini, sabanyak 72.385 palaku usaha alah maikuiki program Sertifikat halal.
Dari jumlah itu, alah tabik 110.114 Sertifikat halal nan mencakup 246.332 produk, baiak dari usaha mikro, ketek, manangah, maupun usaha nan labiah gadang.
Angko itu manunjuakkan makin tingginyo kasadaran palaku usaha di Sumbar untuak manjadikan jaminan halal sabagai nilai tambuah produk, sakaligus mambukak paluang untuak masuak ka pasa nasional jo internasional.
Pamarintah Provinsi Sumatera Barat baraharap, manjapuik mulai barlakunyo kawajiban Sertifikat halal pado Oktober 2026, makin banyak produk urang awak nan ba sertifikat halal, punyo daya saiang tinggi, jo mampu mangangkek martabat ekonomi masyarakaik Minangkabau di pasa dunia. (Tan Parptiah)
