Padang — Pemerintah sugiro ka mambangun pabrik pengolahan gambia di nagari wak ko dalam rangka hilirisasi.”Ambo diagiah kaba dek Pak Menteri Pertanian, beliau lah manetapkan akan membangun pabrik pengolahan gambia di Sumbar,” kato Gubernur Mahyeldi ka kawan-kawan wartawan di Padang, hari Kamih.
Kecek Mahyeldi, pabrik pengolahan gambia ko akan dikelola langsung dek PT Perkebunan Nusantara IV. Bakamungkinan pabrik pengolahan tanaman nan banamo latin uncaria rhynchophylla tu dibangun di Kabupaten Limapuluh Kota.
Iko (mambuek pabrik) masuak aka juo, lantaran Kabupaten Limapuluh Kota jo Kabupaten Pesisir Selatan marupokan duo daerah di Sumbar nan manjadi pusek penghasil gambia. Bahkan, 80 persen kebutuhan gambia di dunia ko asanyo dari Indonesia khususnya Sumbar.
Salamo ko, Sumatera Barat alah rutin maekspor gambia ka Asia Selatan, tarutamo ka India jo Pakistan. Dalam duo tahun ka balakang, ekspor gambia maningkek. Taun 2024 ekspor gambia mancapai 13.482 ton dengan nilai Rp 574,7 miliar padohal tahun sabalunnyo hanyo 11.865 ton.
Satantangan panurunan harago gambia, Gubernur mangatoan hal iko indak bisa dipisahkan dari pangaruah kondisi geopolitik dunia jo konflik nan samakin parah di wilayah Timur Tangah.
Sabalunnyo, Bupati Limapuluh Kota Safni mangaku takajuik jo harago ekstrak gambia dari Ranah Minang nan mancapai 10 dolar AS, atau sakitar Rp160 ribu sakilo salamo kunjungan karajo ka India pado akhia 2025.
Jumlah iko sangaik mencolok kalau dibandiangkan jo nilai jual nan didapek dek petani, yaitu Rp 40 ribu sakilo. Padohal sadoalah ekstrak gambia nan diolah di India barasa dari Provinsi Sumatera Barat tarutamo dari Kabupaten Limapuluh Kota jo Kabupaten Pesisir Selatan.
Salain diekspor ka India, Sumatera Barat juo alah berhasil dalam hilirisasi gambia ko. Kutiko Pilkada nan lalu, tinta Pilkada 2024 nan diprakarsai dek Universitas Andalas basamo jo parusahaan lokal, dibuek dari gambia. (tan parpatiah)
