Padang — Heboh nagari dek ado kapa tabang parang Amerika malinteh di ateh parairan sabalah barat Padang, Sumatera Barat, Sinayan patang (1/6/2026). Baa lo tu?
Di medsos, postingan nan beredar manunjuakkan baso kapa tabang parang Amerika ko sadang malayok layok di wilayah udaro Indonesia.
Manajer Umum Bandara Internasional Minangkabau (BIM), Dony Subardono, mangkui memang iyo ado kapa tabang parang Amerika nan tabang dakek parairan sabalah barat Kota Padang.
Kapa tabang iko adolah kapa tabang parang Lockheed C-130 T Hercules punyo Angkatan Lauik Amerika Sarikat (US NAVY).
Manuruiknyo, pado hari Sinayan (1/6/2026) kapa tabang tu sadang uji coba tanang sasudah manjalani perbaikan di BIM salamo saminggu.
“Jadi, kapatabang ko alah barado di Sumatera Barat sajak Senin (25/5/2026) sasudah mangalami karusakan salamo tabang,” keceknyo sarupo nan disiarkan dek Kompas.com, Salasa (2/6/2026).
Kecek wae, anak buah e mandapek informasi kapatabang tu rusak di masin nomor 3 sudah tu malapor ka menara palabuhan kapa tabang Kolombo. Badasakan instruksi dari Menara Kolombo, kapa tabang disuruah mandarek di bandara nan paliang dakek, yaitu BIM.
“Sabagai aturan, awak indak buliah manulak kapatabang darurat. Kapatabang tu mandarek pukua 17.56 WIB,” katonyo.
16 urang panumpang nan baruntuang. Kapatabang ntun masih bisa mandarek dengan aman padohal ado badai kancang di ateh kutiko tu.
Satibonyo di BIM, pesawat dilatakan di hanggar Susi Air supayo indak bacampua jo penerbangan lain. Sacaro kasaluruahan ado 16 urang panumpang, tamasuak pilot di kapa tabang, tingga di Kota Padang sampai kini.
“Rencananyo pado tanggal 4 Juni pesawat akan barangkek baliak kalau indak ado parubahan,” katonyo. (Tan Parpatiah)
