Padang – Warga Sumatera arat dimintak mawaspadai kondisi cuaco nan agak buruak sampai tanggal 2 Oktober nan ka datang, dek BMKG mamprakirakan akan turun hujan jo intensitas sadang sampai sangat labek nan barpotensi malanda sabagian gadang wilayah kabupaten jo kota di Sumbar.
Manuruik rilis BMKG, Hari Rabaa (30/9/26), kondisi cuaco pado pagi hari sacaro umum diprakirakan cerah barawan sampai barawan, jo potensi hujan ringan terbatas di kawasan Kepulauan Mentawai.
Pado siang sampai patang hari hari, hujan diprakirakan akan batambah laweh jo intensitas sadang sampai labek di Kepulauan Mentawai, Pasaman Barat, Agam, Padang Pariaman, Pariaman, Padang, Pesisir Selatan, Pasaman, jo Kabupaten Solok.
Prakiraan tu akan balangsung sampai malam harinyo pado hari Rabaa ko. Lalu hujan jo intensitas sadang sampai labek diprakirakan akan manyiram kawasan Pasaman Barat, Agam, Tanah Datar, Padang Pariaman, Padang, Pesisir Selatan, Pasaman, Lima Puluh Kota, Payakumbuh, sarato Sijunjung.
Rilis BMKG pado hari Hari Rabaa tu juo manambahkan status Siaga ateh potensi hujan labek sampai sangat labek, khususnyo untuak wilayah Agam, Padang Pariaman, Pariaman, Padang, jo Pesisir Selatan.
Pado hari Kamih, kondisi cuaco hampia samo jo hari sabalunnyo. Cuaco ekstrem diprakirakan masih mandominasi kawasan Sumatera Barat sajak siang sampai malam hari.
Pado siang sampai patang hari, hujan jo intensitas sadang sampai labek diprakirakan turun lai di Kepulauan Mentawai, Pasaman Barat, Agam, Padang Pariaman, Pariaman, Padang, Pesisir Selatan, Pasaman, jo Lima Puluh Kota. Samentaro wilayah lain barpotensi mangalami hujan ringan sampai malam hari.
Bahkan, hujan barpotensi malaweh sampai ka Kabupaten Solok jo Solok Selatan. Pado dini hari, Pasaman Barat diprakirakan masih batahan dalam curahan hujan barintensitas sadang sampai labek.
BMKG mampalaweh wilayah paringatan dini status Siaga pado Kamih 1 Oktober untuak mancakup Kepulauan Mentawai, Pasaman Barat, Agam, Padang Pariaman, Pariaman, Padang, jo Pesisir Selatan.
Samantaro daerah lain, sarupo Tanah Datar, Pasaman, Lima Puluh Kota, Kabupaten Solok, jo Solok Selatan, dimintak untuak tatap dalam kondisi Waspada.
Lalu, baa pulo pado Jumaik 2 Oktober?
Cuaco cerah barawan barpotensi tajadi pado pagi hari, disaloi dek hujan ringan di sapanjang pasisia barat Sumbar.
Namun, pado siang hari akan ado potensi hujan sadang sampai labek nan diprakirakan malaweh ka kawasan pagunuangan jo daratan tangah. Wilayah tu maliputi Agam, Pasaman, Lima Puluh Kota, Kabupaten Solok, Kota Solok, Solok Selatan, sampai Dharmasraya, bahkan barlanjuik sampai malam hari.
Wilayah sarupo Kepulauan Mentawai, Pasaman Barat, Pasaman, Agam, Bukittinggi, Padang, Pesisir Selatan, Lima Puluh Kota, Sawahlunto, sampai Sijunjung dimintak basiap manghadapi potensi genangan aia jo luapan batang aia.
Sacaro umum, parameter meteorologi salamo periode tigo hari ko manunjuakkan suhu udara bakisar antaro 18 sampai 32°C, jo tingkat kalambapan udara nan cukup tinggi, yakni antaro 70 sampai 98 persen. (Tan Parpatiah)
