Padang — Banyak cagar budaya di Sumatera Barat nan sampai kini alun tapakai sacaro optimal. Padahal, cagar budaya indak hanyo manjadi bukti sajarah, tetapi juo sumber palajaran bagi generasi mudo, sarato manjadi tempek dalam mambangun dan manyambuang nilai-nilai kejuangan bangsa.
“Dek karano itu, paralu kito optimalkan pamakaian cagar budaya sebagai sumber palajaran sajarah bagi anak-anak SMA/SMK, supayo pelestarian kabudayaan di wilayah kito dapek didukung,” kecek Gubernur Sumatera Barat Mahyeldi Ansharullah.
Mahyeldi manyambut baik upayo optimalisasi cagar budaya nan dilakukan Dinas Kabudayaan basamo Dinas Pendidikan Sumatera Barat. Manuruiknyo, pamakaian cagar budaya sebagai sumber palajaran sajarah merupakan langkah nan strategis.
Tindak lanjut dari upayo itu ditandoi jo panandatanganan karajo samo strategis antaro Dinas Pendidikan jo Dinas Kabudayaan Sumatera Barat di Aula Kantor Gubernur Sumatera Barat, hari Jumaik (28/8).
Mahyeldi mangatokan, karajo samo kaduo OPD itu sangaik strategis, dek sasarannyo untuak mamparkenalkan sajarah nan ado di cagar budaya Sumatera Barat kapado para pelajar SMA/SMK.
“Kini ko mungkin masih ado anak-anak sekolah kito nan alun mengenal apo nan dimaksud jo cagar budaya, apolai mengetahui nilai-nilai sajarah nan ado di satiok cagar budaya,” kecek Mahyeldi nan juo manjadi Ketua Umum Dewan Harian Daerah Angkatan 45 Sumatera Barat.
Inyo manambahkan, Sumatera Barat adalah provinsi nan kayo jo kabudayaan. Kekayaan itu indak hanyo dalam bentuk cagar budaya, tetapi juo makanan tradisional, adat istiadat, sampai kasenian.
“Sadoalahnyo itu adalah warih nan musti kito jago jo lestarikan untuak generasi mudo. Dek generasi mudo lah nan ka manjadi panyambuang di maso datang. Jan sampai generasi mudo kito indak tahu lai jo ‘pakaian’nyo surang,” tegasnyo.
Samantaro itu, Kepala Dinas Kabudayaan Sumatera Barat Syaiful Bahri mangatokan, panandatanganan Nota Kesepahaman antaro kaduo OPD ko salaras jo tagline Dinas Kabudayaan Sumatera Barat tahun 2026, yakni “Marawat Tradisi, Manjago Jati Diri.”
Koleksi foto-foto perjuangan di Gedung Joeang 45 Sumbar
“Lapuak-lapuak dikajangi, usang-usang dipabarui, warih dijawek dek nan mudo. Jadi, iko merupakan salah satu langkah dalam pelestarian kabudayaan, tarutamo untuak generasi mudo kito di Sumatera Barat,” ungkap Syaiful.
Inyo barharap, program ko mandapek dukungan dari barbagai OPD dan pemangku kepentingan nan terkait, seperti Dinas Pendidikan Sumatera Barat, Dinas Kominfo, Balai Pelestarian Kabudayaan, Tim Ahli Cagar Budaya, sarato pihak-pihak lainnyo.
“Tujuannyo supayo kegiatan ko dapek bajalan lancar dan memberikan manfaat nan sabanyak-banyaknyo bagi generasi mudo kito nantinyo,” harapnyo.
Kepala Dinas Pendidikan Sumatera Barat Habibul Fuadi manyatokan, pihaknyo sangaik mandukung rencana ko dek dinilai dapek mambantu pelajar dalam mancari, mengenal, dan memahami baragam ilmu sajarah nan ado di satiok cagar budaya.
“Jadi ilmu nan didapek anak-anak nantinyo indak hanyo nan ado di dalam ruang kelas. Mereka juo dapek mancaliak, mangamati, dan mampalajari nilai-nilai positif nan ado di cagar budaya. Nan pasti, kami sangaik mandukung hal ko,” kato Habibul.
Di tampek nan samo, Sekretaris Dinas Kabudayaan Sumatera Barat Fadhli Junaidi mamaparkan, sampai tahun 2025, jumlah cagar budaya nan alah ditetapkan pado tingkat provinsi barjumlah 44 cagar budaya, nan taseba di barbagai kabupaten dan kota di Sumatera Barat.
Manuruiknyo, langkah inovatif ko diambiak dek salamo ko pamakaian cagar budaya, sasudah ditetapkan manjadi cagar budaya tingkat provinsi, alun bajalan sacaro maksimal.
“Jadi kami basamo tim mancubo mambuek sabuah tarobosan, yaitu mamakaikan cagar budaya sebagai sumber palajaran sajarah,” jelas Fadhli.
Fadhli manambahkan, sampai akhir tahun 2026 pihaknyo akan mancubo mangimplementasikan hasil kasapakat ko, minimal pado duo cagar budaya nan alah ditetapkan, jo malibatkan sedikitnyo duo SMA/SMK.
“Sesudah dilaksanakan, tantu akan kito evaluasi di mano kurangnyo dalam pelaksanaan kegiatan ko. Dengan baitu, kadepannyo dapek bajalan labiah baik,” katanya.
Gedung Joeang 45, Salah Satu Cagar Budaya di Padang
Di Sumatera Barat, khususnyo Kota Padang, banyak cagar budaya nan menyimpan nilai sajarah tinggi. Salah satunyo Gedung Joeang 45 di Jalan Samudera, Padang. Kini statusnya masih sebagai Cagar Budaya Kota. Dan akan diusulkan jadi Cagar Budaya Provinsi.
Gedung nan dikelola Dewan Harian Daerah Badan Pembudayaan Kejuangan 45 (DHD 45) Sumatera Barat itu manjadi tampek museum nan manyimpan koleksi foto-foto perjuangan bangsa, khususnyo perjuangan di Sumatera Barat semenjak maso pendudukan Jepang.
“Salain itu, di sinan juo ado perpustakaan nan manyimpan buku-buku sajarah perjuangan bangsa. Setiap hari ado mahasiswa nan datang untuak malakukan penelitian,” kecek Ketua Harian DHD 45 Sumatera Barat, Dr. dr. Ardizal Rahman.
Namun, kondisi museum jo perpustakaan ko sampai kini alun tatata sacaro maksimal. Salah satu kendalanyo adolah keterbatasan anggaran untuak malakukan restorasi dan panataan kembali koleksi foto-foto lamo nan ado di dalam museum.
Kondisi ko sekaligus manunjukkan bahwa optimalisasi pemanfaatan cagar budaya indak cukuik hanyo jo manetapkan statusnyo, tetapi juo mamaralukan perhatian, pangelolaan, sarato keterlibatan generasi mudo supayo nilai sajarah nan tasimpan di dalamnyo indak hilang dilulua zaman. (Tan Parpatiah)
