Bukittinggi — Nyampang sanak pai ka Bukktinggi, mako ado banyak janjang nan basobok, dari nan randah sampai nan tinggi.
Salah satu nan fenomenal adolah janjang Minang nan ndak talampaubtinggi ntun.
Janjang nan Rantangannyo kira-kira 50 meter ko tamasuak ciek dari anam janjang nan tasabuik di di Kota Karak Kaliang ko.
Janjang-janjang ko dibuek untuak mancapai kawasan Jam Gadang Bukitttinggi.
Janjang Minangkabau ko, ado juo nan manyabuik (tarutamo urang-urang lamo) Janjang Tuan Siteneang.
Jenjang nan mahubuangkan Jalan Kampung Cino (Jl A Yani) ka Jalan Minangkabau ko dibangun tahun 1908 ateh parintah Asisten Residen Ulando Louis Constan Westenenk atau urang awak di maso tu labiah suko manyabuiknyo Tuan Siteneang sajo.
Lai tau sanak, ado limo janjang nan tamusahua lainnyo di Bukiktinggi salain janjang tuan siteneang nangko.
Nan partamo paliang acok disabui, Janjang Ampek Puluah. Janjang nyo memang manggunokan tingkek-tingkek sabanyak 40 buah dietong sajak darl Pasa Banto sampai ka Pasa Ateh.
Janjang ampek puluah ko bahkan manjadi syair lagu Minang, Andam Oi. Antaro lain bunyinyo : ‘Bukiktinggi kito rang agam yo Andam oi, mandaki janjang ampek puluah…”
Ampia soronono rang Bukikktinggi punyo kenangan di janjang ntun. Banyak urang manggaleh sapanjang janjang tu, dari bajaga makanan sampai manggaleh batu akiak.
Nan kaduo adolah Janjang Pasangarahan.
Janjang ko populer dengan sabutab Janjang Kampuang Cino.
Takah Janjang Minangkabau, pembangunan Janjang Pasanggrahan ko juo ateh parintah Tuan Siiteneang.
Janjang Pasanggrahan ko mahubungkan Kampuang Cino jo Pasa Ateh. kutiko itu, di sepanjang janjang ado toko kue, toko service sipatu dan hotel.
Mungkin dek itu mangko Janjang Kampuang Cino menjadi popular dengan namo Janjang Pasanggrahan.
Nan katigo Janjang Gudang.. Ko lain lo sijarah no goh.
Mangko curitono, pado abaik ke-19 sasudah parang paderi, Ulando mambuek Tanam Paksa, rakyaik isueuahno mananam kupi.
Satiok musim panen kupi wajib manjuani ka Ulando ko, Bak jani sen rang awak tiko ntun.
untuak manampuang kupi ntun mako dibueklah gudang dek Ulando di tiok nagari. daribgusang nagari dikirim ka gusang gadang di Bukiktinggi.
Salah satu gudang kupi ntun talatak antaro pasa bawah jo paa ateh, ado janjang di sinan. sajan tu namono tasabuik Janjang Gudang.
Nan kaampek Janjang Gantuang. Ko baa lo cito no goh?
Janjang Gantuang dibangun pado tahun 1932. Jambatan ko mahubuangkan Pasa Lereng jo Pasa Bawah sarato Aua Tajungkang.
Pembangunan jambatan ko tahun 1932 pado maso W.J. Cator menjadi Controleur Agam Tuo.
Ado nan manyabuik jambatanko sabagai jambatan penyeberangan partamo di Indonesia, wallahualam. (Tan Parpatiah)
