Padang — Dek lah acok batimpo-timbo bencana di daerah awak ko, ado eloknyo awak suko mamparatikan prakiraan cuaca nan diagiah dek BMKG. Nan taralah jauah sabalun galodo, jo banjir nan mairiangkan ujan lbek, pihak BMKG lah maagiah tahu., Tapi kebanyakan awak lun tabiaso manyimak prakiraan cuaca takah urang di lua nagari ntun.
Kini, warga Sumatera Barat, tarutamo nan tingga di daerah nan dakek jo pantai, batang aia, lereng bukik, dan daerah nan salamo ko dikenal rawan banjir jo galodo, dimintak maningkekkan kewaspadaan dalam babarapo hari ka muko.
Peringatan ko datang dari Badan Meteorologi, Klimatologi, dan Geofisika (BMKG), nan mamprakirokan cuaca di Sumatera Barat akan buruak sampai tanggal 15 September 2026. Di lauik, ombak diprakirakan bisa mancapai 4 meter, di daratan hujan labek sampai hujan disaratoi patuih bapotensi turun di sejumlah daerah.
Keadaan ko patuik mandapek perhatian basamo, sabab hujan lebat nan turun dalam waktu lamo dapek manimbulkan banjir, galodo, tanah longsor, dan batangkayu rabah.
Di sabalah lain, gelombang tinggi di lauik dapek membahayokan nelayan, kapa-kapa ketek, maupun urang nan barektivitas di kawasan pantai. Manuruik prakiraan BMKG Maritim Teluk Bayur, tinggi gelombang di peraiaan Sumatera Barat pada 12 sampai 13 September 2026 diprakirakan antaro 1,4 sampai 3,6 meter.
Di sabagian peraiaan malah kemungkinan gelombang tinggi, yakni antaro 2,5 sampai 4 meter.Daerah nan patuik manaruah perhatian labiah, di antaronyo Peraiaan Barat Pagai, Barat Siberut, Barat Sipora, Pesisir Selatan, Timur Pagai, Timur Siberut, dan Timur Sipora.
Keadaan gelombang nan tinggi ko patuik dijadikan perhatian, tarutamo dek nelayan nan mamakai kapa ketek. Jan sampai karano handak manjalankan pencarian nafkah, keselamatan diri dipataruahkan.
Urang nan turun ka lauik dimintak maninjau dahulu keadaan cuaca dan gelombang. Kalau keadaan dipandang indak aman, eloklah perjalanan ditunda daripado maambiak risiko nan indak perlu.
Angin diprakirakan bahambuih dari arah tenggara sampai timur laut jo kecepatan antaro 4 sampai 17 knot.
Bukan gelombang gadang sajo nan patuik diwaspadai. Cuaca di sejumlah peraiaan Sumbar juo diprakirakan berawan sampai hujan sedang.
Hujan ringan berpotensi turun di Peraiaan Agam–Pasaman Barat, Barat Pagai, Barat Sipora, Padang–Padang Pariaman, Timur Pagai, Timur Siberut, dan Timur Sipora. Sedangkan hujan sedang berpotensi tajadi di Peraiaan Barat Siberut dan Pesisir Selatan.
Masuak tanggal 13 sampai 14 September, keadaan cuaca diprakirakan masih berawan sampai hujan disaratoi patuih. Hujan patuih berpotensi tajadi di Peraiaan Agam–Pasaman Barat, Barat Pagai, Padang–Padang Pariaman, dan Timur Siberut.
Tinggi gelombang pada waktu itu diprakirakan antaro 1,8 sampai 3,4 meter, dan gelombang tinggi 2,5 sampai 4 meter masih berpotensi tajadi di Barat Pagai, Barat Siberut, Barat Sipora, Timur Pagai, Timur Siberut, dan Timur Sipora. Sementara tanggal 14 sampai 15 September, keadaan cuaca masih diprakirakan berawan sampai hujan patuih. Hujan ringan berpotensi tajadi di Barat Siberut, Padang–Padang Pariaman, dan Pesisir Selatan. Adapun hujan patuih berpotensi tajadi di Timur Siberut.
Tinggi gelombang diprakirakan antaro 1,5 sampai 3,1 meter, sedangkan gelombang tinggi 2,5 sampai 4 meter masih mungkin tajadi di Barat Pagai, Barat Siberut, Barat Sipora, dan Timur Pagai.
Waktu Pasang Patuik Diparatikan
BMKG Maritim Teluk Bayur juo lah mangaluakan prakiraan pasang-suruik lauik untuak tanggal 12 September 2026. Aia pasang diprakirakan tajadi sekitar pukul 04.00 sampai 08.00 WIB dan 16.00 sampai 20.00 WIB. Sedangkan aia suruik diprakirakan sekitar pukul 23.00 sampai 01.00 WIB dan 11.00 sampai 13.00 WIB.
Hati-hati bilo hujan badai tajadi basaraoan jo patuih tiok cacah
Bagi urang nan tingga di kawasan pantai, keadaan pasang-suruik ko patuik pula dipahatikan, tarutamo bilo bersamaan jo hujan lebat dan gelombang tinggi.
Pemprov Sumbar Minta Warga Jan Lalai
Menyikapi peringatan BMKG tu, Sekretaris Daerah Provinsi Sumatera Barat Arry Yuswandi, nan sekaligus menjadi Kepala BPBD secara ex-officio, meminta masyarakat maningkekkan kewaspadaan.
Manuruiknyo, bencana nan mungkin timbul akibat cuaca buruk antaro lain banjir, galodo, tanah longsor, pohon tumbang, dan berbagai kejadian hidrometeorologi lainnya.
“Kami maimbau masyarakat untuak meningkatkan kewaspadaan, tarutamo yang berada di daerah rawan banjir dan longsor. Perhatikan kondisi lingkungan sekitar dan sugiro maambiak langkah penyelamatan bilo tajadi hujan lebat dalam waktu yang cukuik lama,” kecek Arry Yuswandi di Padang, hari Jumaik (11/9/2026).
Dikatakannyo, urusan keselamaton bukanlah semato-mato tanggung jawab pemerintah. Masyarakat sendiri pun mempunyai peranan nan sangat penting.
Warga dimintak selalu mancari kaba nan sahih tentang keadaan cuaca, mengenali bahaya nan mungkin datang di daerah masing-masing, serta manuruiki petunjuk petugas bilo keadaan mulai memburuk.
Kalau Sungai Mulai Gadang, Jan Ditunggu
Arry mengingatkan, masyarakat nan tinggal di daerah rawan bencana jan sampai manunggu sampai aia alah masuk rumah atau tanah alah longsor baru handak manyalamaikkan diri.
“Jika hujan jo intensitas tinggi berlangsung cukuik lama, debit sungai mulai naiakatau ado tando-tando pergerakan tanah maupun longsoran, sugiro manjauah dari lokasi babahayo dan mencari tampek yang labiah aman. Jan maambiak risiko,” tegasnyo.
Tando-tando bahaya, tarutamo di daerah rawan longsor, patuik dikana dek masyarakat. Kalau tampak ratak baru di tanah atau di dinding rumah, tanah mulai mangarik, batang kayu atau tiang listrik tibo-tibo miriang, ataupun tasumbua rembesan aia nan indak biaso, keadaan ko jan dipandang enteng.
Baitu juo di daerah nan dakek batang aia. Kalau aia sungai naik jo capek, warna aia berubah dan arus semakin deras, urang nan tingga di kawasan rawan banjir atau galodo handaklah sugiro mancari tampek nan labiah tinggi dan aman. Jan manunggu sampai keadaan menjadi parah.
Bagi warga nan rumahnyo barado di kaki bukik atau di daerah lereng, hujan lebat nan turun taruih-manaruih handaklah menjadi tando untuak meningkatkan kewaspadaan.
Tanah nan lah jenuh dek aia dapek menjadi indak stabil. Apolai kalau daerah tu memang alah dikenal sebagai kawasan nan acok maalami longsor.
Dalam keadaan demikian, anak-anak, urang tuo, dan anggota keluarga nan membutuhkan pertolongan handaklah labiah dahulu dipindahkan ka tampek nan aman.
Dokumen penting, surek-surek baharago, ubek-ubek, pakaian saparalunyo, makanan, aia minum, senter, sarato alat komunikasi eloklah disiapkan dalam satu tampek nan mudah dibao bilo sewaktu-waktu musti mengungsi.
Jan Dipaksokan Manyubarang
Bagi warga nan bakendaraan, jalan nan taganang aia handaklah dihindari. Jan dipaksokan menyubarang kalau kedalaman aia indak dapek dipastikan.
Baitu juo jalan nan barado di bawah tabiang. Kalau hujan labek masih turun, beranti di bawah tabiang bukanlah pilihan nan aman.
Banjir bandang pun dapek datang capek. Karano itu, kalau petugas alah memberikan peringatan atau meminta masyarakat mengungsi, jan manunggu keadaan menjadi labiah buruk.
Sembilan Daerah Masuak Status SIAGA
Peringatan kewaspadaan ko sejalan jo informasi Stasiun Meteorologi Kelas II Micubadakbau mengenai kemungkinan cuaca ekstrem di Sumatera Barat.
Kepala Stasiun Meteorologi Minangkabau, Decky Irmawan, manyabuik bahwa keadaan atmosfer nan sedang aktif turuik mendukung pertumbuhan awan hujan di wilayah Sumbar.
“Berdasarkan analisis, tadapek sejumlah faktor yang mendukung pertumbuhan awan hujan di wilayah Sumatera Barat, di antaronya Gelombang Rossby Equatorial, daerah pertemuan arus angin atau konvergensi, serta belokan angin (shearline),” kato Decky.
Salain tu, anomali suhu lauik di peraiaan barat Sumbar tapantau positif. Keadaan tu turuik mendukung pertumbuhan awan hujan nan labiah intensif.
Berdasarkan pemetaan BMKG untuak tanggal 11 sampai 13 September 2026, tadapek sembilan daerah nan masuk dalam status SIAGA, yaitu:
Kota Padang, Kota Pariaman, Kabupaten Padang Pariaman, Kepulauan Mentawai, Pasaman Barat, Pasaman, Agam, Pesisir Selatan, dan Kabupaten Solok.
Samantaro daerah nan masuk status WASPADA meliputi Kabupaten Limapuluh Kota, Tanah Datar, Sijunjung, Dharmasraya, dan Solok Selatan jo daerah di sekitarnyo. (Tan Parpatiah)
