Padang — Ampiang lo anak kamanakan wak ka taniayo nyampang jadi beredar 44 kilo ganjo nan dibaok dek sekelompok urang dari lua Sumbar. Untuang lah Badan Narkotika Nasional Provinsi (BNNP) Sumatera Barat capek manangkok urang-urang tu dan manyita 44,08 kilogram ganjo karing hari Akaik kapatang ko (6/9/26) di Lubuak Sikapiang Pasaman.
Kok ndak tantu lah kabatambah pinyakik anak kamanakan wak dek maisok barang haram tu nan akan diedarkan dek sindikat pengedar.
BNNP Sumatera Barat manangkok irang tu dalam sabuah operasi penangkalan jaringan parédaran narkotika lintas provinsi Sumatera Utara–Sumatera Barat.
Dalam pangungkapan ko, petugas BNNP Sumbar juo manangkok tigo orang jang diduga kuaiak talibat dalam jaringan parédaran ganjo.
Kepalo BNNP Sumbar, Toton Rasyid, manarangkan baso pangungkapan ko baramulo dari info nan diagiah dek masyarakat, baso ado rencana pangiriman ganjomelalui jaringan lintas Sumatera nan malibatkan jaringan Sumut-Sumbar,” kato Toton kapado wartawan, Selasa (8/9/2026).
Bardasarkan informasi tu tu, Tim Pambarantasan jo Intelijen BNNP Sumbar basugiro malakukan panyelidikan ka Pasaman.
Kutiko operasi dijalankan, perugas manyetop oto Toyota Calya warna sirah, nomor polisi BA 1875 OM, di muko SPBU Sawah Panjang, Lubuk Sikaping, Aia Dadok, jalan Trans Sumatera Bukittinggi–Padangsidimpuan.
Dari dalam oto itu, petugas manangkok duo orang laki-laki barinisial MR jo AAZ, nan diduga kareh sabagai kurir.
Waktu dilakukan panggeledahan, petugas manamukan ampek karuang nan barisi puluhan paket ganjo kariang. Barang ko ko disamarkan dalam karuang plastik dan dibaluik jo lakban warna coklat, supajo indak mudah dikatahui petugas.
Sasudah dipareso tanyato ganjo nan jadi barang bukti ko mancapai 44.084,46 gram, atau kira-kira 44 kilogram ganjao kariang.
Salain tu, petugas juo manyita oto Toyota Calya nan dipakai untuak maangkuik barang tu, babarapo buah telepon seluler, sarato pitih tunai.
Dikambangkan ka Padang
Pangungkapan pakaro ko indak baranti sampai di Lubuk Sikaping. Dari hasil interogasi ka MR jo AAZ, petugas BNNP Sumbar kamudian mangambangkan panyelidikan ka Kota Padang.
Dari hasil pangambangan tu, petugas manangkok lo surang lai laki-laki barinisial TRAR di kawasan Kuranji.
TRAR diduga manjadi pengendali kurir sakaligus sabagai pemilik ganjo ko.
Katigo bandik pengedar narkoba ko kini manjalani proses hukum. Mereka dituduah malanggar Pasal 114 ajat (2) juncto Pasal 115 ajat (2) juncto Pasal 111 ajat (2) juncto Pasal 132 ajat (1) UU Nomor 35 Tahun 2009 tantang Narkotika, UU Nomor 1 Tahun 2023 tantang KUHP, sarato UU Nomor 1 Tahun 2026 tantang Panyesuaian Pidana.
Karano nan dipakai pasal-pasal tu, para tersangka manghadapi ancaman hukuman paling tinggi sampai kapado pidana mati.
Toton Rasyid manegaskan, barhasia BNNP Sumbar manyita 44 kilogram ganjo kariang sarato mambongka sindikat pengedarnyo, iko manjadi salah satu langkah penting dalam usaho mamutuih mata rantai parédaran narkotika lintas provinsi.
“Dengan digagalkannyo pangiriman ini, puluhan ribu jiwa, tarutamo anak-anak mudo jo generasi mudo, dipakirokan dapek disalamekkan dari bahayo panyalahgunaan narkotika,” katonyo.
Manuruik Toton, usaho pambarantasan parédaran narkotika indaklah mungkin disarahkah samato-mato kapado aparat panegak hukum. Bantuan dan partisipasi masyarakat amatlah diparalukan, tarutamo dalam manyampaikan kaba atau informasi apobilo manamui hal-hal nan mancurigakan.
“Paran aktif masyarakat dalam manyampaikan informasi manjadi salah satu kunci nan menentukan dalam pangungkapan jaringan parédaran narkotika,” kato Toton.(Tan Parpatiah)
