Bukittinggi — Anggota DPRD Sumbar Daswippetra Dt Manjinjiang Alam, mangatokan, dalam definisi Tanah Ulayat, tanah nan dikuasoi komunitas hukum adaik, pengelolaan, pengendalian jo penggunaannyo didasarkan pado hukum adaik satampek.
“Konsep iko alah diakui dalam literatur hukum Indonesia sabagai bantuak hak adaik nan masih balaku sampai kini,”kecek Daswipperta di acara Bimtek Penguatan Kapasitas Lembaga Adat nan diadokan di Bukitttinggi, hari Kamih patang ko.
Kepemilikan manuruik caro matrilineal (garis katurunan ibu) tanah adaik adolah komunal, diwarihkan malalui garih katurunan ibu (matrilineal), dan indak buliah dijua atau digadai tanpa persetujuan dari sado anggota kaum. “Sistem ko mancaminkan nilai-nilai kebersamaan jo tangguang jawab kolektif dalam masyarakaik Minangkabau,” jalehnyo.
Daswippetra juo manambahkan baso Tanah Ulayat, sebagai warisan komunal, kini ko barado dalam ancaman hilang, dimano wilayah adat Minangkabau maliputi wilayah nan sangaik laweh jo sistem kakarabatan nan kompleks.
Adonyo tanah ulayat ko indak hanyo punyo nilai ekonomi, tapi juo marupokan landasan untuak kalanjutan budaya, identitas jo tatanan sosial masyarakaik Minangkabau.
“Masalahnyo jo tanah ulayat kini banyak klaim nan tumpang tindih kasudahanyo manjadi pangka bala sangketo tanah ulayat.
“Peta ulayat nan tumpang tindih jo babagai bantuak manunjuakan potensi konflik bateh wilayah nan mamaralukan pemetaan nan jaleh jo akurat,” kecek anggota DPRD Sumbar dari Solok ko.
Daswippetra manambahkan, makonyo dalam bimbingan teknis Dinas Kebudayaan ko, ditampilkan babarapo narasumber nan kompeten dari babagai lembaga teknis di bidang hukum, urusan agraria jo akademisi.
“Kami sabana baharok bimbingan teknis nan akan balangsuang salamo 3 hari 2 malam ko akan maagiah dampak pado kabijakan-kabijakan stakeholder adat untuak dapek baperan dalam malestarikan warisan, Tamasuak dapek merumuskan palaksanaan norma-norma adat untuak dilaksanakan sanksi sosial, sasuai jo adaik jo agamo dalam ABS-SBK,” kato baliau nan juo bagala adat Dt Manjinjiang Alam.
Ketua Panitia Penyelenggara Bimbingan Teknis, Kapalo Jaranitra Zardi Syahrir, juo manyabuik baso tujuan dari palaksanaan bimbingan teknis ko adolah untuak maningkekan paran Ninik Mamak sabagai panjago nilai-nilai tradisional jo budayo Minangkabau, mampakuek pamahaman tantang falsafah ABS-SBK dalam life sosial.
“Mandorong pelestarian adaik jo budaya sacaro balanjuik di nagari, manyadiokan kaahlian dalam mangambangkan generasi mudo untuak bamoral jo baradaik, mampakuek sinergi antaro pamarentah jo limbago tradisional dalam pambangunan babasis budayo sarato manjadian Ninik Mamak sabagai panutan sosial jo budayo di kalangan masyarakaik Sumatera Barat,” kecek bakeh juru bicaro DPRD Sumbar ko. (Tan parpatiah)
