Pulau Punjung — Pamarentah Kabupaten Dharmasraya, mulai manerapkan kebijakan Baraja Jarak Jauah (BJJ) bagi saluruah anak didik, Salasa (6/10/2026). Kebijakan darurat ko diambiak sasudah kualitas udaro di wilayah tu makin buruak akibat kabuik asok kiriman dari wilayah sakitar.
Parintah untuak malaksanakan balajar dari rumah tu langsuang dari Bupati Dharmasraya Annisa Suci Ramadhani, sasudah hasia pamantauan manunjuakkan kualitas udaro barado dalam kategori indak sehat dan barpotensi manggangu kaséhatan masyarakat, tarutamo anak-anak usia sakolah.
Sabagai langkah antisipasi, anak didik dari tingkek Pendidikan Anak Usia Dini (PAUD) sampai Sekolah Menengah Pertama (SMP) alah dipulangkan labiah awal pado Sinayan (5/10/2026). Kebijakan ko dilakukan untuak mangurangi risiko gangguan kaséhatan, tarutamo Infeksi Saluran Parapasan Akut (ISPA), akibat tarpapar asok.
Penerapan PJJ ko bukanlah kali partamo dilakukan di Dharmasraya. Kebijakan sarupo sabalunnyo juo alah ditarapkan salamo kurang labiah saminggu pado September 2026, waktu kualitas udaro di wilayah tu turun.
Pelaksana Tugas Kepala Dinas Pendidikan Kabupaten Dharmasraya, Bobby Perdana Riza, mengatokan dihantikannyo samantaro kegiatan balajar mangajar sacaro tatap muko di sakolah.
“Atehs parintah Ibu Bupati, hari ko sadonyo anak didik kami pulangkan dan bisuak (6/10/2026) kami akan malaksanakan pembelajaran jarak jauh samantaro sambia mamantau kondisi,” kecek Bobby ka wartawan, hari Sinayan (5/10/2026).
Untuak mamparkuaik palaksanaan kebijakan tu, Dinas Pendidikan Kabupaten Dharmasraya manarbitkan Surat Edaran Nomor 400.3/2601/Disdik-2026 tantang Pelaksanaan Pembelajaran Jarak Jauh.
Surat edaran tu ditujukan ka pangawas sakolah, panilik PAUD, sarato kapalo satuan pendidikan tingkek SD dan SMP. Kebijakan ko diambiak supayo hak anak didik untuak mandapek pendidikan tatap dipanuhi, walaupun kegiatan balajar mangajar sacaro tatap muko dihantikan samantaro.
Koordinasi juo dilakukan jo instansi nan manangani satuan pendidikan di lua kewenangan Pamarentah Kabupaten Dharmasraya.
“Kami juo alah bakordinasi jo Kantor Kementerian Agama untuak MA dan Kacabdin Wilayah V untuak SMA/SMK barhubungan jo penerapan kebijakan ko,” kecek Bobby.
Kualitas Udaro Indak Sehat
Kaputusan untuak mamindahkan kegiatan balajar dari sakolah ka rumah mangacu kapado hasia pamantauan kualitas udaro dek Dinas Lingkungan Hidup (DLH) Kabupaten Dharmasraya.
Pado Sinayan (5/10/2026) pukua 10.00 WIB, nilai Indeks Standar Pencemar Udaro (ISPU) di Dharmasraya tacatat 113. Samantaro tu, nilai Air Quality Index (AQI) mancapai 159. Angka tu manempatkan kualitas udaro dalam kategori indak sehat.
Kondisi ko makin mangkhawatirkan karano paparan asok dapek maningkekkan risiko gangguan parnapasan, tarutamo bagi kalompok rentan, sarupo anak-anak, ibu hamil, lansia, sarato masyarakat nan sensitif taradok polusi udaro.
Namun, berdasarkan pamantauan titik panas atau hotspot malalui sistem SiPongi Karhutla, indak basobok doh kabakaran lahan di wilayah Kabupaten Dharmasraya.
Jo baitu, kabuik asok nan manyalimuti sabagian wilayah pamukiman masyarakat diduga marupokan asok kiriman nan tabao dek angin dari daerah sakitar nan masih punyo titik api aktif.
Pamarentah Kabupaten Dharmasraya mangimbau masyarakat untuak mangurangi aktivitas di lua ruangan salamo kualitas udaro alun membaik. Warga nan tarpakso baraktivitas di lua ruangan diminta mamakai masker untuak mangurangi paparan asok. Masyarakat juo diminta sugiro datang ka fasilitas pelayanan kaséhatan apobilo mangalami kaluhan, sarupo batuk, sasak napas, iritasi mato, atau gangguan parapasan lainnya.
Pamarentah daerah managaskan kebijakan PJJ ko basifat samantaro dan akan dievaluasi sacaro bakala berdasarkan parobahan kualitas udaro dan nilai ISPU. Apobilo kondisi udaro baliak membaik dan dinilai aman bagi kaséhatan anak didik, kegiatan balajar mangajar sacaro tatap muko di sakolah akan baliak ditarapkan. (Tan Parpatiah)
