Padang — Kunjungan Gubernur Mahyeldi Ansharullah basamo sejumlah pejabat pemerintah daerah ka Korea Selatan beberapa wakatu nan lalu mulai manampakkan hasia. Konsorsium asal Korea Selatan datang ka Padang dan manyampaikan Letter of Intent (LoI) untuak manjajaki kerja sama di bidang pengelolaan sarok, pengembangan energi terbarukan, sampai pengurangan emisi gas rumah kaca di Sumbar.
LoI tu disampaikan dek tigo mitra asal Korea Selatan, yakni THE Energy Consulting Co., Ltd., SSKK Solution Co., Ltd., dan Korea Agriculture and Fisheries and Industry Recycling Cooperative, dalam pertemuan jo Gubernur Mahyeldi di Ruang Rapat Gubernuran, Salasa (11/8/2026).
Salah satu potensi nan jadi perhatian utama adolah pemanfaatan gas metana dari Tempat Pemrosesan Akhir (TPA) Koto Tangah, Kota Padang. Gas metana nan dihasiakan dari proses pambusukan sarok tu akan dikaji untuak dimanfaatkan manjadi sumber energi, sekaligus mengurangi emisi gas rumah kaca.
Tampek sarok di Aia Dingin Padang, jawi lah sato lo manolong mamusnahkan sarok
Kadatangan konsorsium Korea Selatan tu manjadi tindak lanjuik dari komunikasi jo penjajakan investasi nan dilakukan Pemprov Sumbar ketika kunjungan Gubernur Mahyeldi ka Korea Selatan. Dari kunjungan tu, peluang kerja sama di bidang pembangunan berkelanjuikan jo teknologi lingkungan mulai dibukak.
Gubernur Mahyeldi manyambuik baiak minat konsorsium Korea Selatan tu. Manuruiknyo, rencana kerja sama tu sajalan jo komitmen Pemprov Sumbar dalam mambangun daerah nan ramah lingkungan, berkelanjuikan, sekaligus mampu mambari nilai tambah ekonomi bagi masyarakaik.
“Pengelolaan sarok dan pengembangan energi terbarukan marupokan bagian penting dari upaya kita mambangun daerah melalui konsep nan ramah lingkungan, berkelanjuikan sekaligus mamberikan manfaat ekonomi bagi masyarakaik,” ujar Mahyeldi.
Inyo manarangkan, Pemprov Sumbar siap mamfasiaitasi pembahasan labiah lanjuik basamo pemerintah kabupaten dan kota sarato perangkat daerah nan terkait.
Kerja sama tu, kato Mahyeldi, indak diharapkan hanyo untuak manyolasaikan persoalan sarok, tetapi juo mamabawo manfaat lain, seperti transfer teknologi, peningkatan kapasitas sumber daya manusia, sampai pambukaan lapangan karajo.
“Karano itu, kita akan fasiaitasi pembahasan lebih lanjuik dengan pemerintah daerah dan pihak-pihak terkait. Kita berharap kerja sama ini nantinyo mamberikan manfaat nan luas, baik dari sisi lingkungan maupun ekonomi,” katanyo.
Gas Metana sampai Bahan Bakar Alternatif
Di samping pemanfaatan gas metana, sarok di Sumbar juo dinilai punyo potensi untuak diolah manjadi Solid Recovered Fuel (SRF), yaitu bahan bakar alternatif nan barasal dari material sarok nan alah melalui proses pengolahan.
Perwakilan konsorsium Korea Selatan, Shin, manyobuik pihaknyo tatarik untuak mangambangkan proyek nan basangkutan jo pengurangan emisi gas rumah kaca, sirkulasi sumber daya, daur ulang, sarato penerapan teknologi lingkungan.
“Kami tertarik pada proyek-proyek pengurangan gas rumah kaca, sirkulasi sumber daya, daur ulang, dan penerapan teknologi terbaru dari Korea. Potensi itu ada di Sumbar,” ungkap Shin.
Inyo barharap pembahasan teknis dapek sagironyo dilakukan basamo Pemerintah Kota Padang jo pihak-pihak nan berkepentingan. Pembahasan tu penting untuak maliek potensi nan ado, manantukan konsep dasar, sampai mangkaji kelayakan proyek sacaro labiah rinci.
Manuruik Shin, penyompaian LoI baru marupokan langkah awal untuak manuju kerja sama nan labiah konkret. Sasudah proses kajian jo pembahasan dilakukan, kerja sama tu bisa dilanjuikkan ka tahap penandatanganan Mamorandum of Understanding (MoU).
“Kami berharap kerja sama antara Sumatera Barat dan asosiasi kami dapek taruih berlanjuik dan menghasiakan proyek nan baik,” katanyo.
DPMPTSP dan DLH Dimainta Fasilitasi
Untuak mampacek tindak lanjuik penjajakan investasi tu, Gubernur Mahyeldi alah manugaskan Dinas Penanaman Modal dan Pelayanan Terpadu Satu Pintu (DPMPTSP) basamo Dinas Lingkungan Hidup (DLH) Sumbar untuak mamfasilitasi komunikasi jo pembahasan teknis antara konsorsium Korea Selatan jo pemerintah daerah nan terkait.
Tahap barikuiknyo akan diarahkan untuak mangkaji potensi pengelolaan sarok, teknologi nan bisa diterapkan, kabutuhan investasi, sarato manfaat lingkungan jo ekonomi nan mungkin dihasiakan.
Pemprov Sumbar barharap penjajakan kerja sama tu bisa manjadi salah satu langkah strategis dalam mampakuaik pembangunan hijau di Sumbar.
Dengan pemanfaatan teknologi pengolahan limbah jo energi barasiah, persoalan sarok diharapkan indak hanyo bisa dikurangi, tetapi juo bisa manjadi sumber energi, mengurangi emisi, meningkatkan efisiensi pemanfaatan sumber daya, sekaligus mambukak sumber pertumbuhan ekonomi baru.
Dengan demikian, kunjungan Gubernur Mahyeldi ka Korea Selatan indak barakhir pada hubungan diplomatik jo penjajakan investasi sajo. Kunjungan tu mulai mambukak jalan ka kerja sama nan labiah konkret, khususnyo dalam mambangun sistem pengelolaan lingkungan nan labiah modern, ramah lingkungan, dan berkelanjuikan di Sumatera Barat. (Tan Parpatiah)
