Padang — Direktorat Tindak Pidana Tertentu (Dittipidter) Bareskrim Polri mambongka dugaan jaringan perdagangan ameh ilegal nan malibatkan warga negara asiang (WNA) asa India. Hasia tambang ameh nan diduga barasal dari aktivitas pertambangan tanpa izin (PETI) tu diduga ka disalundupkan ka lua nagari, termasuk ka Dubai.
Panyindakan dilakukan di baragam lokasi, termasuk di Sumatera Barat. Polisi kini masih mangambangkan panyidikan untuak mangungkap jaringan, sumber ameh, jalur distribusi, sampai pihak-pihak lain nan diduga talibat dalam perdagangan jo panyalundupan tu.
Direktur Tindak Pidana Tertentu Bareskrim Polri Brigjen Pol. Mohammad Irhamni mangatokan, pangungkapan kasus barasa dari panalusuaran terhadap aktivitas pertambangan ilegal dari hulu sampai hilia, termasuk dugaan peredaran hasia tambang di dalam nagari nan kamudian akan dibao ka lua nagari sacaro ilegal.
“Kegiatan penambangan ilegal itu dari mulai hulu sampai hilir. Patuik diduga hasia penjualannya di Jakarta ini nantinyo akan dibao ke lua nagari dengan caro diselundupkan ke negara-negara tujuan secara ilegal,” ujar Irhamni dalam katerangannyo.
Dalam pangambangan kasus tu, panyidik malakukan penggerebekan di duo apartemen di kawasan Jakarta Utara. Dari operasi tu, polisi mangamankan duo WNA nan manuruik paspor adolah warga negara India.
Di lokasi partamo, panyidik manamukan sakitar 2,5 kilogram ameh. Barang bukti tu terdiri dari duo batang ameh, masing-masing barek sakitar satu kilogram, sarato ameh dalam bentuk cincin barek sakitar satangah kilogram. Ameh tu ditamukan tasimpan dalam brankas.
Di lokasi kaduo, polisi manamukan tampek nan diduga dipakai untuak mangolah ameh sabalun disalundupkan ka lua nagari. Panyidik juo manamukan 18 kapiang logam barwarna putiah nan disabuik sabagai residu dari proses pangolahan ameh, jo barek sakitar 18 kilogram.
“Iko residunyo, mendakeki silver. Residu dari pengolahan ameh. Ado 18 kapinag, kurang labiah 18 kilogram. Berarti emas murninya nan sudah diselundupkan mungkin berapo puluh kali lipek, mungkin sapuluah kali lipek nan ado. Iko hanyo residunyo,” kato Irhamni.
Selain ameh jo residu hasia pangolahan, polisi juo manyita pitih tunai dalam rupiah jo dolar Amerika Serikat, sarato babarapo paralatan nan diduga dipakai untuak mangolah ameh di apartemen tu.
Manuruik Irhamni, kaduo WNA tu baru sakitar duo bulan barado di Indonesia. Kaduonyo masuak ka Indonesia mamakai paspor untuak kaparaluan investasi maupun kegiatan perdagangan.
Dari informasi nan didapek panyidik, aktivitas pangolahan ameh tu diduga dilakukan sacaro intensif. Jaringan tu diparakirakan mampu mangolah material ameh sampai sakitar 30 kilogram sahari.
“Kalau satu hari sesuai informasi nan kami terima kurang lebih 30 kilogram per hari. Bisa dibanankan 30 kilogram itu kali 30 hari, kurang lebih satu ton. Kalau satu gram itu harganya Rp2,6 juta, hampir Rp3 triliun nan diselundupkan ke luar negeri tanpa kita ketahui,” ungkapnyo.
Gadangnyo volume tu manunjukkan potensi nilai ekonomi nan sangaik gadang dari aktivitas pertambangan jo perdagangan ameh ilegal. Karano itu, Polri masih manalusuari sumber material, jaringan pambali, jalur distribusi, sarato kemungkinan adanya panyalundupan hasia tambang ka nagari lain.
Jalur Sumbar Diduga Batarik ka Jaringan Internasional
Di Sumatera Barat, polisi juo mangungkap dugaan perdagangan ameh ilegal hasia pertambangan ameh tanpa izin (PETI) di Kota Solok. Dalam kasus tu, seorang WNA asal India barinisial A, umur 39 tahun, alah diamankan.
Juru Bicara Polda Sumbar Kombes Pol. Susmelawati Rosya mangatokan, A kini masih manjalani pemeriksaan jo pangambangan dek tim gabungan basamo instansi terkait.
“Tindak pidana pertamo perdagangan ameh ilegal ko di Kota Solok. Pelakunyo surang WNA warga negara India berinisial A, berumua 39 tahun. Nan bersangkutan lah ditangkok dan kini sedang dalam proses pengembangan dek timsus,” kato Susmelawati di Mapolda Sumbar, Jumat (21/8/2026).
Kasubdit IV Ditreskrimsus Polda Sumbar AKBP Octa Rahmansyah mangungkapkan, tersangka diduga mambali ameh murni dari daerah pertambangan. Aktivitas tu disabuik barhubungan jo jaringan pemodal nan barasa dari Malaysia.
Polisi masih mandalami hubungan jaringan di Sumbar jo jaringan perdagangan ameh ilegal lintas nagari, termasuk kemungkinan ado pelaku lain nan ikut talibat.
Parputaran Pitih PETI Capai Rp992 Triliun
Maningkeknyo aktivitas pertambangan ameh tanpa izin juo manjadi perhatian karano nilai ekonominyo nan sangaik gadang.
Badasarkan laporan Pusat Pelaporan dan Analisis Transaksi Keuangan (PPATK), parputaran dana nan barhubungan jo jaringan PETI salamo periode 2023–2025 disabuik mancapai Rp992 triliun.
Dalam laporan tu, PPATK mancatat parputaran pitih dalam jaringan PETI mancapai Rp185,03 triliun, samantaro total parputaran dana nan dianalisis mancapai Rp992 triliun.
PPATK juo mancatat 27 hasia analisis jo duo informasi nan dicurigai barhubungan jo sektor pertambangan, jo nilai transaksi mancapai Rp517,47 triliun. Aktivitas tambang ameh ilegal tu diduga taseba di baragam wilayah Indonesia, mulai dari Sumatera, Jawa, Kalimantan, Sulawesi sampai Papua.
Hasia tambang ilegal diduga indak hanyo barado di dalam nagari, tapi juo mailia ka baragam nagari lain. PPATK sakaligus mangidentifikasi transaksi nan diduga barhubungan jo distribusi hasia tambang ilegal ka Singapura, Thailand sampai Amerika Serikat, jo nilai transaksi mancapai sakitar Rp155 triliun.
Gadangnyo nilai transaksi tu manunjukkan bahwa PETI indak lai hanyo manjadi persoalan palanggaran hukum di lapangan, tapi alah bakambang manjadi persoalan ekonomi jo lingkungan nan malibatkan jaringan nan labiah laweh.
Anggota Komisi III DPR Hinca Panjaitan manilai maningkaekyo nilai parputaran dana tersebut manunjukkan aktivitas pertambangan ilegal malah makin bakambang jo tarorganisasi.
“Jadi bukan hilang tapi makin tambah. Dari sekitar Rp339 triliun, kini lah menembus Rp992 triliun. Iko menunjukkan jejaringnyo hiduik dan berkembang,” keceknyo dalam rapek karajo basamo PPATK.
Karano itu, pangungkapan jaringan perdagangan ameh ilegal di Jakarta jo Sumatera Barat dinilai paralu dilanjutkan jo investigasi nan manyaluruah.
Penindakan hukum indak cukuik hanyo diarahkan ka pelaku di hilia, tapi juo musti mangungkap sumber ameh, pemodal, jaringan perdagangan, kemungkinan pencucian uang, sampai jalur panyalundupan ka lua nagari.
Langkah tu penting supayo pambarantasan PETI indak baranti di panangkapan pelaku di lapangan, tetapi mampu mamutuihkan mato rantai bisnis ilegal nan marugikan nagari, sekaligus barpotensi mambari karusakan gadang ka lingkungan.(Tan Parpatiah)
