Padang Panjang — Warga nan manggunokan rute Lambah Anai nan mahubuangkan Padang jo Padang Panjang manuju Bukiktinggi kini buliah agak nyaman, karano labuah ntun indak bukak tutuik lai.
Kini dek Dinas Perhubungan Provinsi Sumatera Barat lalu linteh di Lembah Anai ntun dibukak salamo 24 jam.
Pambukaan jalur Lambah Anai ko diumumkan langsuang dengan upload akun Instagram Dinas Perhubungan Sumatera Barat @dishubsumbar.
“Mulai Rabu, 1 April 2026, rute Lambah Anai dibukak 24 jam untuak mandukuang lancarnyo mobilitas masyarakaik di Sumatera Barat,” tulis Dinas Perhubungan Sumatera Barat.
Ado babarapo ketentuan nan paralu diparatian dek para supir nan mamakai jalur nasional ko.
Baraso jalur ko hanyo ditujukan untuak kandaraan roda 2 jo 4. Kandaraan nan mambao BBM masih buliah lewat.
Dinas Perhubungan Sumatera Barat manakankan baso palaksanaan ko bisa diganti pado wakatu nan alun ditantukan.
“Akses bisa ditutuik bilo sajo kalau ado karajo nan mamaralukan panutupan jalan,” tambah pangumuman tu.
Dalam pengamatan wartawan Gonjong.id jalur tu sajak 1 April lancar lancar sajo. Paliang-paliang sarupo nan taralah, ado macet di Koto Baru X Koto atau di Padang Lua manjalang Bukittinggi.
Hari Jumaik kapatang ado macet di jalur Padang Panjang ka Tusangka, tapeknyo di Kubu Karambia. Hujan nan alahurabi labeknyo, mambuek aia malimpah ka jalan nan mambuek oto tatahan jalannyo sahinggo mambuek macet panjang sajak pukua 8 pagi sampai pukua 11. (Tan Parpatiah)
Jalur Lambah Anai Kini lah Dibukak 24 Jam
