Jakarta — Lapau nasi rang awak nan musahua namonyo Rumah Makan Padang di babagai tampaik mulai maalami panurunan pandapatan.
“Tarutamo dipicu dek mulai maha bahan baku sahinggo harago tapaso naiak atau porsi dikurangi. Akibaiknyo pelanggan bakurang,” kato Amril nan manggaleh nasi padang di Pondok Labu.
Nan taraso bana, keceknyo, urang mulai ndak makan di lapau lai tapi nyo bungkuih sajo untuak dibao pulang. Padohal kalau makan di lapau dibandiang jo bao pulang, nilai pambaliannyo babedo.
Laman media online CNBC Indonesia nan mambuek liputan pakaro penurunan omset nasi padang ko mamberitakan, baso ado tren mulai langang pambali nan satang ka lapau nasi padang.
CNBC juo maagiah kaba baso, babarapo pemilik lapau nasi padang di Tebet Jakarta mangatokan, kondisi penjualan nasi padang mengalami penurunan dibandiang jo maso pandemi Covid-19.
Ridwan, salah satu nan punyo lapau nasi diwawancaraibdek CNBC Indonesia, katonyo omzet nyo kini bakurang sampai 20 persen dari biasonyo.
“Masalahnyo, pelanggan cenderung mamiliah menu nan irit kitiko pertengahan sampai akhia bulan. Pada periode tu, biasanyo urang nan mambali labiah mamiliah menu murah takah nasi talua, nasi paragede, atau nasi tambah goreng taruang nan haragonyo cuma Rp 18.000,” katonyo
ulahbdek bainaik ko, kato Ridwan, inyo acok tapaso malayani pembeli nan hanyo mamasan samba jo sayua tanpa nasi untuak dibao pulang.
“Kalau nasi padang kan akumulasinyo tu, sayua nyo perai katano lah include jo bali samba plus nasi,” kato Ridwan ko.
Sabaliaknyo, pado awal bulan atau periode gajian, para pelangga. Banyak nan mambali paket nasi ikan, dagiang, ayam, cancang, tunjang atau randang. Menu-menu premium tu biasanyo dibanderol sekitar Rp 20.000-an ka ateh.
Sayangnyo, penjualan menu-menu paket tu mulai bakurang kutiko pertengahan sampai bukan tuo.
Ridwan mulai mangaluah karano harago sejumlah bahan baku nasi padang ko mulai naiak, mulai drinkarambia, lado, dagiang, ayam sampai bareh.
“Mau ndak mau tantu harago jua tapaso lo naiak sairiang jo harago bahan baku,” kecek Ridwan.
Carito Ridwan ko ndak beda jauah jo carto Aldi nan manggaleh nasi padang juo di kawan Tebet Jakarta.
Aldi tapaso maningkekan harago panjualan makanan Padang sacaro baansua-ansua, yaitu Rp 1.000 satiok taun. Sudah tu, Aldi baharok ado usaho konkrit dari pamarentah untuak mangandalikan harago bahan baku untuak masakan Padang, misalnyo malalui operasi pasa.
Samantaro itu, Ijan, surang lai nan punyo usaho Rumah Makan Padang di daerah Tebet, juo mangaku baso daya bali urang tampaknyo bamasalah. Hal iko dapek diliek dari panurunan panjualan bareh padang labiah dari 10% dalam wakatu balakangan ko.
Ijan manjalehan bahaso biasonyo menu masakan padang di tampeknyo salasai sakitar pukua duo siang. Dulu Rumah Makan Padang nan dikelolanyo rami dek pangunjuang katiko wakatu makan siang. Namun, kini kondisinyo tampak biaso sajo.
Salain dari itu, Ijan juo mancaliak parubahan parangai konsumen sairiang jo malamahnyo daya bali. Dalam hal iko, babarapo konsumen cenderung mambali menu masakan Padang jo harago sakitar Rp 15.000 inggo Rp 20.000. Biasonyo, menu dalam kisaran harago ko barisi nasi, dadar, ayam jo sayua. (Tan parpatiah)
