Jakarta — Kalau sanak di rantau makan nasi Padang, jan cameh bana akan manambah barek badan atau marusak kesehatan. Nasi Padang acok dijauahi dek urang nan sadang barusaha manurunkan atau manjago barek badan. Kuah nan basantan jo porsi nasi nan banyak acok dianggap sebagai musuh utama dek urang nan sadang manjago pola makan.
Namun, anggapan itu indak sepenuhnya bana. Spesialis gizi klinik dr. Igus Ulfa Yaze, SpGK, mangatokan nasi Padang sabananya indak paralu dijauahi samo sakali, termasuk untuak makan siang.
“Nasi padang itu ndak paraluu dimusuhin, nggak perlu juo jadi nggak dimakan. Masih boleh makan nasi padang,” kecek dr. Yaze dalam siaran langsung TikTok detikHealth, hari Kamih patang ko (10/9/2026).
Silahkan makan nasi Padang, manuruik dr. Yaze, nan penting pandai maatur porsi dan urutan makanan. Jo caro itu, isi piriang tatap seimbang, kebutuhan gizi dapek dipanuhi, dan kalori nan masuk ka tubuah indak balabiahan.
Sayua Dulu
Manuruik dr. Yaze, nan patuik dilakukan kutiko maambiak makanan di rumah makan padang ialah mandahulukan sayua.
Jadi, kutiko maambiak makanan, usahoan pinggan diisi sayua terlabiah dahulu. Pilihan sayua di rumah makan Padang cukuik banyak, mulai dari daun pucuak parancih, gulai cubadak, sampai sawi. Sayua tu dapek dilangkoki jo pagatok segar.
“Musti ada sayua. Misalnya sawi, tu biasonyo ado sayua cubadak. Kalau bisa ada pagatok minimal timun, tapi bukan duo saik tapi satu buah utuh,” katonyo.
Dengan mandahulukan sayua, ruang di pinggan akan labiah dahulu diisi makanan nan mengandung serat. Sudah tu barulah ditambahkan samba sebagai sumber protein.
Piliah samba Nan Indak Banyak Minyak
Sasudah sayua, urang nan sadang manjago pola makan disarankan mamiliah sumber protein, baik dari hewani maupun nabati.
Untuak lauk hewani, pilihan nan labiah dianjurkan iolah makanan nan dibaka, takah ayam panggang atau ikan panggang, daripado makanan nan digoreng garing atau dimasak jo kuah santan nan pakek.
Samantaro untuak sumber protein nabati, dapek dipiliah tahu atau tempe. Talua juo dapek menjadi pilihan lauk.
Prinsipnyo, bukan berarti urang musti maninggakan samo sakali makanan khas rumah makan padang, tapi pandai-pandailah mamiliah samba dan maatur banyaknyo makanan nan dimakan.
Nasi Ambiak Paling Akhir
Satu hal nan acok dilakukan urang kutiko makan di rumah makan padang iolah maambiak nasi dalam jumlah banyak sajak mulo.
Manuruik dr. Yaze, kebiasoan tu justru dapek diubah. Nasi sabaiaknyo diambiak paliang akhir, sasudah sayua dan samba alah memenuhi sebagian besar ruang di pinggan.
Caro ko mambuek tampek untuak nasi menjadi labiah sangenek, sahinggo porsi nasi pun secara alami menjadi labiah terkendali. Untuak sakali makan siang, porsi nasi nan dianjurkan iolah maksimal limo sendok makan.
“Jadi terakhir kan biasonya di pinggannyo tu alah panuah jo sayuran, sarato ayam atau ikan. Nah, terakhir siso saketeknyo tu baru ditaruah nasi. Jadi bukan berarti nasinya langsung jadi banyak,” kato dr. Yaze.
Jo caru tu, urang nan sadang manjago barek badan indak musti maninggakan nasi padang. Nan penting pandai memilih samba, mampabanyak sayua, dan maatur porsi nasi. (Tan Parpatiah dari detikHealth)
