Jakarta — Kaadaan di Anjuangan Sumatera Barat, Taman Mini Indonesia Indah (TMII), Cipayuang, Jakarta Timur, lah baliak aman jo normal dek sasudah aparat kapolisian basamo Tim Gegana Polda Metro Jaya maanakan barang nan diduga mortir, Rabaa (1/7/26)
Saluruah prosesi pangamanan jo evakuasi salasai sakitar pukua 14.38 WIB. Aparat mamasikan kawasan anjuangan lah steril, sahinggo sagalo kagiatan di Anjuangan Sumatera Barat dapek babaliak bajalan sakik biaso.
Kasi Humas Polres Metro Jakarta Timur, AKP Made Budi, manyampaikan, kondisi kawasan kini alah aman sasudah Tim Gegana malakukan pananganan sasuai Standar Operasional Prosedur (SOP).
“Tim khusus tu lah barhasil mangamankan benda nan diduga mortir untuak dibao ka markas Gegana untuak dipareso labiah lanjuik,” keceknyo.
Made Budi manarangkan, kajadian ko barawal katiko patugas kabarasiahan Anjuangan Sumatera Barat, Satria Ade Putra, mandapeki ado benda basi nan manyarupoi mortir wakatu mambarasiahkan kawasan anjuangan sakitar pukua 11.05 WIB.
Tamuan tu dilaporkan ka patugas kaamanan anjuangan, Eko Riyanto, nan salanjuiknyo manyampaikan laporan ka manajemen TMII jo Polsek Cipayuang.
Mandapek laporan tu, personel Polsek Cipayuang langsuang turun ka lokasi untuak mansterilkan kawasan jo mamasang garih polisi.
Aparat salanjuiknyo bakoordinasi jo Satuan Samapta Polres Metro Jakarta Timur sarato Tim Gegana Polda Metro Jaya untuak malakukan pananganan.
Sakitar pukua 14.10 WIB, Tim Inafis tibo di lokasi untuak malakukan idantifikasi awal. Indak lamo basalang, Tim Gegana Polda Metro Jaya manjalankan prosesi pangamanan jo mangamankan benda nan diduga mortir tu untuak dibao ka markas Gegana.
Manuruik kapolisian, indak ado korban maupun gangguan kaamanan salamo prosesi pananganan bajalan. Kini, Anjuangan Sumatera Barat lah dapek dikunjuangi baliak dek pangunjuang jo dipakai untuak baragam kagiatan sakik biaso.
Sampai barito ko dituruankan, benda nan didugo mortir tu masih dalam pamariksaan Tim Gegana untuak mamasikan jinih, kondisi, jo tingkek kabahayoannyo. (Tan Parpatiah)
