Muarolabuah — Eboh dek banjir nan disabuik-sabuik karano banyak nyo tambah ameh lia, kasudahannyo direspon polisi. Tambang lia nan diketahui ado di Solok Selatan, pakan ko ditutuik dek polisi.
Satgas Anti Pertambangan Lia Polres Solok Selatan, manutik lokasi panambangan ameh lia di Jorong Sungai Puah, Nagari Pakan Rabaa Tengah, Kecamatan KPGD, Kabupaten Solok Selatan. Tim mambaka pondok nan dicurigai digunoan untuak kagiatan panambangan lia tu.
Sudah tu pulisi juo mamasang garih pulisi jo mamasang spanduk nan malarang panambangan ameh lia.
Kecek Kapolrea Solok Selatan AKBP M Faisal Perdana, inyo jo anak buahnyo sabalun ko manarimo laporan dari masyarakaik, baraso ado tambang ameh lia di situ.
Inyo lalu mamarentahkan Tim Satgas Anti Pertambangan lia ka lokasi nan dilaporkan masyatakaik.
“Nan kami tamui adolah siso-siso kegiatan panambangan ameh nan dicurigai ilegal jo pondok tu. Kami baka dan mamasang pita polisi,” kato Faisal. Inyo manaegaskan baraso polisi Solok Selatan akan, mambasmi panambangan ilegal ko sadonyo di daerah tu.
“Sajak awal tahun kami lah mambantuak tim anti tambang lia ko sebagai bukti baraso kami serius mambasmi tambang nan banyak mudaraiknyo ka urang banyak tu,” kato liau.
Satgas Anti Panambangan Lia ko tugahnyo khusus untuak mancegah, mamantau, patroli jo maambiak tindakan kapado sagalo bantuak panambangan ilegal di wilayah yurisdiksi Polisi Solok Selatan.
“Satgas ko bakarajo samo jo Direktorat Reserse Kriminal Khusus Polda Sumatera Barat. Sampai kini, kami alah manangani lapan laporan polisi jo puluahan tersangka. Bukti nan alah diamankan tamasuak duo excavator jo sajumlah alat panambangan nan alah digunoan untuk menambang ameh ,” kecek Faisal.
Kapalo Polres Solok Selatan manyatokan komitmennyo untuk mahabisi sado tambang lia di situ.
Faisal mangatoan baso pananganan panambangan haram indak hanyo dilakukan malalui panegakan hukum, tapi juo jo pendekatan nan komprehensif. Strategi nan dilaksanakan tamasuak langkah-langkah pencegahan malalui pandidikan kapado masyarakaik basamo jo pamimpin masyarakaik jo pamarintah nagari manganai dampak negatif PETI, langkah-langkah pencegahan malalui patroli rutin jo patroli siber untuak mandeteksi kagiatan ilegal, sarato penegakan hukum nan ketat terhadap pelakunyo. (Tan parpatiah/kcm
