Pasaman Barat — Binatang lia mulai tagaduah tampek hiduiknyo, mako sebagian dari mereka tapaso masuak kampuang dan maancam warga. Baru-bau ko di Pasaman Barat, Badan Konservasi Sumber Daya Alam Sumatera Barat (BKSDA Sumatera Barat) tapaso mamasang kandang parangkok untuak untuk menangkok biruang nan maanam warga di Nagari Sinuruik Kecamatan Talamau Pasaman Barat.
Biruang tu mancogok kutiko warga sadang manyabik padi dan membuak masyarakaik katakutan.
Mako sajak hari Satu patang ko BKSDA basamo-samo jo COP (Centre for Perlindungan Orangutan) alah malakukan upaya penanganan di TKP,” kecek Kapalo Seksi Konservasi BKSDA Wilayah I Sumatera Barat, Antonius Vevri, sarupo nan dilaporkan dek Antara, Sinayan (26/26). BKSDA Sumbar mamasang kandang perangkok untuak manjarek biruang tu.
Kecek Antonius tim tu malakukan patroli sarato pahalau di sakitar lokasi. Sosialisasi juo dilakukan untuak warga supayo labiah waspada. “Kami juo alah mamasang kandang perangkok untuak manjebak biruang nan malukoi masyarakaik tu,” kato Antonius Vevri.
Serangan biruang tu tajadi sakitar pukua 08.00 WIB. Warga sadang mamanen padi katiko mancogok biruang dari sakitar lokasi. Langsuang sajo biruang ntun manyarang petanin an sadang manyabik padi.
Akibaiknyo tigo urang warga luko-luko. Mereka yaitu Aidil Putra (20), warga Barulak Sinuruik; Sabri (65), warga Talu, Talamau; dan Maijasman (63), warga Barulak Talamau.
Sasudah serangan tu tajadi, babarapo warga mancubo mancai jajak biruang tu di sakitar lokasi tu. Mereka juo masih manunggu kadatangan petugas untuak maabiak tindakan labiah lanjuik. Korban langsuang dievakuasi untuak mandapekkan parawatan medis. Kini korban sadang dirawat di RSUD Pasaman Barat jo Puskesmas Talu.
Manuruik Antonius, kondisi di tampek kajadian mulai lamo-lamo manjadi labiah kondusif. Tim BKSDA basamo pamarintah nagari jo warga taruih mancari. Mereka manyisia daerah nan dicurigai jalur pergerakan biruang ntun.(tan parpatiah/ant)
Biruang Mulai Maancam Warga Sinuruik Pasbar
