Lubuak Sikapiang — Kajadian di Pasaman nan mambuek heboh masyarakaik Sumatera Barat yaitu tantang nenek Saudah (67) nan marasai kanai tangan dek surang jantan mudo, manjadi paratian bana dek anggota DPR RI Andre Rosiade.
Lun lamo ko, Andre maajak Kapolda Sumbar Irjen Pol Gatot Tri Suryana manyilau Nenek Saudah tu di rumahnyo di Nagari Padang Mentinggi, Kecamatan Rao, Kabupaten Pasaman. Nenek Saudah ko sarupo nan awak ketahui, marasai kanai tangan dek babarapo urang merupakan korban den karano manulak aktivitas tambang ilegal di wilayah tu.
Andre jo Kapolda Sumbar mandatangi nenek ko sabagai bantuak kehadiran negara dalam pakaro nan mambuek nenek tu taniayo.
“Kami mamujikan keberanian nenek tu menulak tambang lia nan kini sadang di sorot dima-dima,” kato Andre Rosiade.
Kutiko manyilau nenek tu, Andre jo Kapolda juo didampingi dek Wakil Ketua DPRD Sumbar Evi Yandri Rajo Budiman, Ketua Fraksi Gerindra DPRD Sumbar Khairuddin Simanjuntak, Bupati Pasaman Welly Suhery, Wakil Bupati Parulian Dalimunte, Ketua DPRD Pasaman Nelfri Affandi, basarato jo Kapolres Pasaman AKBP Muhammad Agus Hidayat.
Kecek Andre, kajadian nan manyadiahkan ko mambuek banyak masyarakaik nan bareaksi dan maminta polisi manangkok urang nan mancaca nenek ko sampai nanti siahiah hukuman nan adia.
Anggota DPR RI tu maagiah dorongan moril ka nenek Saidah jo keluarganyo. “Ijan takuik ijan cameh Nek, negara hadir malinduangi nenek. Untuak kalakuan urang nan maniayo nenek ko, kito mintak polisi jo aparat hukum batindak mandahulukan raso keadilan dan maagiah ganjaran nan sasuai jo perbuatannyo,” kecek Andre.
Andre manegaskan bahaso negara agak sanginyiang pun ndak buliah kalah dek kekerasan jo intimidasi, talaniah labiah ka masyarakaik nan lah namuah bajuang mahapuihkan tambang lia.
Samantaro tu, Kapolda manyamoaikan pulo bahaso inyo manjamin keamanan nenek Saudah jo keluarganyo sasudah kajadian nan mambuek banyak urang sakik ati tu. Kapolda Irjen Gatot Tri Suryana manstruksikan pengamanan maksimal di rumah Nenek Saudah ntun. Nyo mamarintahkan Kapolres Pasaman malayallan anghota polisi tiok hari di rumah nenek tu.
“Kami siap mangawal keamanan Nenek Saudah. Ambo lah parintahkan surang anggota Bhabinkamtibmas manjago satiok hari di rumah nenek ko” kecek Irjen Gatot.
Nyo maminta supayo nenek tu dibuek sanang, kalau paralu perawatan nan labiah khusus buliah dirujuk ka Rumah Sakik Polisi di Padang.
Kini ampek urang nan dipakirokan mahampai nenek ko jo tangan sampai bangkak bangkak, namo namonyo lah ditangan polisi. Bahkan salah surang diantaronyo lah ditangkok polisi dan ditahan.
Sadangkan nan tigo urang lai karano cigin, sadang diburi dek tim Buser Polres Pasaman. (*)
