Bukittinggi – Banyak caro untuak mahormati sekaligus mengenang pahlawan, salah satunyo jo lagu.
Baitu juo dari nan yunior ka seniornyo.
Dek Dedi Yusmen salah surang dari yunior Tan Malaka di Kweekschool (kini SMAN 2 Bukittinggi) diciptakannyo lagu untuak mengenang pahlawan Nasional tu.
Lagu ciptaan nan bajudul ‘Tan’ itu dilantunkan langsuang dek Dedi kutiko Seminar Kebangsaaan dalam rangko 170 tahun Kweekschool pakan nan lapeh di SMAN 2 Bukittinggi.
“Lagu Tan iko ambo buek 13 tahun nan lapeh. Liriknya kiro-kiro mancaritokan kisah Ibrahim Tan Malaka dalam bahaso Minang,” kecek pejabat Pertamina ntun.
Manuruiknyo, lagu ko lah lamo ingin nyo tampilkan dalam forum reami, barulah kini dapek kesempatan.
Dedi mendendangkan lagu tu langsuang diiringi gitar dan mandapek tapuak tangan dari peserta seminar.
Bahwa Tan Malaka adolah salah satu murik partamo Kweekschool. “Jadi baliau tu adolah senior kami di sikola ko.
Tan Malaka indak sajo sebagai salah satu tokoh nan mancito-citokan Indonesia merdeka jauah sabalun proklamasi, tapi Tan Malaka juo lah maagiah warna ka dunia.
Pada bait-bait pertama lahu tu dapek wak simak
Suranti taluaknya dalam
Batang Kapeh lubuak tampuruang
Badan diri umpamo balam
Mato lapeh badan takuruang
Lirik ntun adolah bait asli dari Tan Malaka nan disadur dari Buku Dari Penjara ke Penjara
Lagu ko menggambarkan perjuangan Tan Malaka mampajuangkan prinsipnyo, walau ndak sampai tapi pamikirannyo tetap tajago.
mati malah hiduik jadinyo
(Tan parpatiah)
