Dulu kala ado sabuah nagari (Desa), yaitu Nagari Atar, yang barado di Kecamatan Padang Ganting, Kabupaten Tanah Datar, Provinsi Sumatera Barat. Nagari itu dulunyo barupo pabukitan. Namun tasebab oleh suatu peristiwa daerah itu dinamakan Nagari Atar, karano Nagari Atar tasabuik dalunyo berasa dari kato Antaro, yaitu lotak Atar itu dulunyo antaro Nagari Padang Ganting dengan Nagari Lintau.
Katiko porang, ado penduduak Atar tasabuik nan bapihak ke Nagari Padang Ganting dan ado juo bapihak ke Nagari Lintau. Ado duo orang nan mamparabuikan tanah Nagari Atar tasabuik dulunyo, yaitu Datuak Sompong Hulu dan Raja Muhdun.
Datuak Sompong Hulu berasa dari Lintau, sedangkan Raja Muhdun berasa dari Nagari Padang Ganting, ado kayu gadang yang ala mati, kayu gadang tasabuik tampak nyo di pusat Atar itu, kaduo orang itu mamparubuikan tanah nagari Atar itu, sapakaig siapo nan copek tibo ke kayu gadang tasabuik sahinggo inyolah nan mandapaen tanah nagari Atar itu. Dan akhirnyo inyo nan baduo tasabuik bacakak dekek kayu gadang tasabuik kato Datuak Sompong Hulu inyo nan tibo dulu kesinan, dan kata Raja Muhdun inyo juo nan tibo dulu kasinan sahinggo bacakaklah inyo baduo di batang kayu nan alah mati tasabuik.
Satalah lamo bacakak inyo mamutuin baduo, bahwasonyo kayu itu alun mati sahinggo siap nan pandai menamun tando bahwasonyo kayu itu alun mati sahinggo inyolah nan mandapen tanah nagari Atar itu. Kaduonyo saliang mancari tando bahwasonyo kayu gadang tasabuk alun mati, sahinggo pado suatu malam Raja Muhdun ini pai ka kayu gadang tasabuik, inyo malakekkan sebuah rantiang kayu nan masih iduik kasitu supayo Datuak Sompong Hulu ndak curiga sahinggo Raja Muhdun itu mambuek sedemikian rupa. Dan Datuak Sompong Hulu ndak amua kalah, inyo pai ka kayu gadang tasabuik pado subuah hari sasudah salosai sumbahyang subuah, inyo bagage untuak menanam akar yang badaun pado kayu tasabuk dan satalah babarapo mini, tibolah waktu nyo untuak membuktian sia nan bana antaro inyoh baduo dan untuak membuktian sia nan bana sahinggo kaduanyo memintak orang untuak membuktian sia nan bana dan sia nan salah, sahinggo dicaliak lah oleh orang tasabuik, satalah babarapo minik kamudian orang nan mambuktian sia nan bana dan sia nan salah tu ala tau sia nan bana, sahinggo inyoh manyabuikan nan bana adolah Datuak Sompong Hulu
alasannyo orang tasabuik adolah biaso nyo kalau kayu nan di lilin ndk aka tu pasti kayu nan hiduik dan akhirnyo Raja Muhdun mengalah dan pai dari sana. Sabananyo Datuak Sompong hulu ini alah mambayie orang nan saksi nyo tasabuik, itulah kecerdikan Datuk Sompong Hulu. Salasai parang itu sahinggo diagialah namo nagari tasabuik sabagai Nagari Atar oleh Datuak Sompong Hulu tasabuik.
Penduduak Nagari Atar bajumlah kurang labiah 60.000 jiwa laki- laki dan perempuan, penduduak nagari tasabuik bakarajo sabagai petani di sawah dan di ladang, setiok hari bakarajo untuak manghiduin keluarganyo, pado waktu itu alun ado kendaraan sarupo kini ko, cuman waktu itu nan ado hanyo kareta. Penduduak nan mampunyoi kareta tasabuik alah dianggap sabagai orang nan kayo, dan penduduak nan indak mampunyoi kareta tasabuik tapaso jalan kaki satiok hari.
Indak kenal panek demi manghiduin keluarganyo. Penduduak di situ batampek tingga saling memencar , saling berjauhan satu samo lain.
Walaupun batampek tingga saling berjauhan, penduduak nagari tasabuik saling membantu satu sama lain, misalnyo dalam rangkah gotong royong, penduduak nagari tasabuik saling bakarajo samo. Penduduak nagari tasabuik hiduik rukun dan damai. Nagari Atar tasabuik tabagi atas 3 jorong yaitu Jorong Lareh Nan Panjang, Jorong Taratak 8, Jorong Taratak 12.
Jorong Lareh Nan Panjang berasal dari kata Keselarasan Nan Panjang. Penduduak jorong Lareh Nan Panjang tasabuik batampek tingga mamanjang. Lareh Nan Panjang tasabu adalah koto nagari Atar. Ado penduduak nan tatuo tingga di nagari Atar yaitu Raja Mahudun, inyo tingga di jorong Lareh Nan Panjang, penduduak satampek mamanggia nyo sabagai tuan. Setelah rajo itu mati sahinggo penduduak Laren Nan Panjang mengikralkan namo rajo tasabuik sabagai tuanku.
karano Rajo tasabuik tingga di jorong Lareh Nan Panjang sahinggo penduduak Lareh Nan Panjang tasabuik manggala jorong Lareh Nan Panjang tasabuik sabagai Tuanku Lareh. Jorong Lareh Nan Panjang tabagi atas 8 wilayah(koto) yaitu Guguak Langsat, Tanjung Alai, Simpang Dodok, Tabuh, Coko, Sopan Batu, dan Sawah Liek. Satiok wilayah nyo mampunyai asal usul nan babeda. Nan partamo Koto Guguak Langsat, wilayah ini dulunyo banyak tumbuhan langsat di ate bukik, penduduak satampek manyabuik bukik itu sabagai guguak sahinggo dari itulah penduduak di sinan mambari namo Koto tasabuik sabagai Guguak Langsat. Koto nan kaduo yaitu Tanjuang Alai, Koto Tanjuang Alai barasa dari kato Tanjuang nan manjulai, penduduak nan tingga di koto itu banyak tingga di tanjuang-tanjuang nan manjulai tasabuik, sahinggo diagia namo Koto tasabuik sabagai Koto Tanjuang Alai. Koto nan katigo adalah Koto Simpang Dodok, Koto Simpang Dodok dulunyo disitu adolah simpang nan banyak ditumbuhi batang kayu gadang nan namo nyo itu adolah batang kayu Dodok, sahinggo diagialah namo Koto Simpang Dodok. Koto nan ka ampek adolah Koto Tabuh, Koto Tabuh dulunyo adolah koto untuak manampekkan alat untuak manandokan waktu sumbahyang akan masuak yaitu Tabuh tasabuik, karano banyak tadapek Tabuh di situ sahinggo di berilah namo koto tasabuik sabagai Koto Tabuh. Koto nan kalimo adolah Koto Coko, Koto Coko iko adolah pusatnyo Nagari Atar, dulunyo Koto Coko adolah berasa dari kato sabntar ko , sahinggo panduduak di situ magiah namo koto tasabuik sabagai Koto Coko.
Koto nan ka anam adolah Koto Sopan Batu dulunya Koto Sopan Batu itu tadapek sabuah batu gadang nan indak pernah dirusak oleh penduduak satampea, kareno batu itu indak pernah rusak sahinggo penduduak di situ di juluki penduduak nan sopan dan penduduak itu sopan kaopada batu disitu
sahinggo dibarilah namo koto itu sabagai Koto Sopan Batu. Koto nan katujuah adolah Koto Sumua Anyia, koto sumur anya itu dulunyo tadapek sebuah sumua nan ciek – cieknyo sumber ayia dari sumur anyia tasabuik nan di pergunokan oleh penduduak di situ, penduduak di sumu anyia itu dipergunokan oleh penduduak di situ sabagai tampek mandi, nyuci pakaian, untuak minum ayinyo dan lain lain, dan penduduak di situ magiah namo koto tasabuik sabagai Koto Sumu Anyia. Dan koto nan ka delapan adolah Koto Sawah Liek Koto Sawah Liek barasa dari kato sawah nan payah, apo sajo nan di tanam di sawah tasabuik paya tumbuah nyo bayik itu padi, jagung dan lain lain itu payah tumbuah nyo, sahnggo dari situ penduduak di situ magiah namo koto tasabuik sabagai Koto Sawah Liek. Jorong nan kaduo yaitu Jorong Taratak 8 berasa dari 8 wilayah nan di tompeti oleh penduduak di sinan, kenapo jorong tasabuik dikatokan Taratak 8? Karano penduduak nan tingga dulunyo di sinan hanyo tingga di pondok- pondok ketek, alun ado masajik, ataupun balai (pasa), dan wilayah nya itu tabagi 8, Jorong Taratak 8 tasabuik babateh dengan Nagari Talawi. Jadi 8 wilayah tasabuik talatak 4 di pusat jorong tasabuik dan 4 lainnyo talatak dakek bate jorong tasabuik. Dan penduduak di sinan magiah namo jorong tasabuik sabagai Taratak 8. Nan banyak di tampeti oleh penduduak Taratak 8 tasabuik di 4 wilayah dipusatnyo yaiko wilayah Sopan Batuang, Kandang Juar, Sawah Panjang, dan Lontik Ketaping dan 4 wilayah nyo nan lain banyak di tampeti oleh orang lua Nagari Atar. Satiok wilayah nan ditampeti oleh penduduak Jorong Taratak 8 itu mampunyoi carito tersendiri. Nan portamo dusun Sopan Batuang, dusun sopan batuang hampia samo asal usul nyo dengan koto nan ado di Lareh Nan Panjang yaiko Koto Sopan Batu, indak jauh beda caritonyo hanyo nan membedakannyo adolah batuang dengan batu, Dusun Sopan Batuang itu asalnyo adolah dulunyo banyak tadapek
tumbuhan batuang dimano penduduak di sinan indak malarang siapo pun untuak mangambiak batung tasabuik, siapo yang mambutuhkan silahkan ambiak, indak masalah bagi penduduak di sinan, begitu sopan dan saling berbagi nyo penduduak di sinan, sahinggo penduduak di sinan magiah namo dusun nyo tasabuik sabagai Dusun Sopan Batung. Nan kaduo dusun Kandang Juar, Dusun Kandang Juar adolah pusat Jorong Taratak 8, dulunyo dusun ini adolah tampek jua bali kandang, seperti kandang Ayam, unggas dan lain lain. Sajak jua bali kandang tasabuik diagialah namo dusun tasabuik sabagai Dusun Kandang Juar. Dusun salanjuiknyo tasabuik adolah Dusun Sawah Panjang itu asalnyo adolah sawah nan panjang, sawah nan paliang panjang di Nagari Atar, indak ado lai sawah sepanjang itu sahinggo diagialah namo dusun tasabuik sabagai Dusun Sawah Panjang. Dusun nan terakhir adolah Dusun Lonting Kataping, Dusun Lonting Kataping ko adolah Dusun Jorong Taratak 8 nan babateh langsung jo Nagari Padang Ganting, dusun itu dulunyo adolah tampek tumbuah nyo batan kayu gadang nan namonyo kataping, oleh karena banyak batang kayu itu nan tumbuah disinan sahinggo diagialah namo dusun tasabuik sabagai Dusun Lontik Kataping. Di jalan jorong taratak 8 tu tadapekkelok nan sangaik angker di sinan yako kelok bapak camat,konon ceritonyo adola, bapak camat itu pakai oto basamo rekan-rekan karajonyo nan pajalanannyo barasa dar taratak 8, inyo ndak tau bahwasonyo ada jurang di situ , tibo tbo bapak camat ko takajuik , bahwasonyo rem oto nyo putui. Bapa camat ko indak sadar bahwasonyo rem oto nyo putui, nyo sadar nyo lah dakek samo kelo itu, karano bapak camat tu lah panik ,konsentrasinyo alah hilang dan masua lah oto bapak camat ka jurang tu dan sadonyo nan barado di ate oto itu mati langsuang di tampek. Sejak mati bapa camat tu , sahinggo diagilah namo kelok itu sabagai kelok bapak camat.
Bagitu juo dengan jorong taratak 12, jorong taratak 12 tasabk bawahan dai joron lar nan panjang, asal usul nyo smo dangan jorong taratak 8 yaio dlunyo panduduak tasabuik tingga di pondok pondo ketek, alun ado masajik, balai dan penduduaknyotingga saling bajahuan . Jorong taratak 12 itu mempunyai 12 wilayah, jorong taratak 12 tu babate langsuang jo Nagari Talawi dan jorong nyo tadapek 6 wilayah di pusatnyo dan 6 lai di dakek bateh jorong tasabuik. Krebanyakan panduduak asli nyo tingga di 6 wilayah di pusatnyo dan 6 wilaya nya lai banyak di tampeti orang dari wilayah nan lain. Dan 6 wilayah di pusatnyo adolah Dusun Pulau Laweh, Dusun Lontik Copuh , Dusun Nunggang, DusunSumua Gadang, Dusun Muaro Panjang dan Dusun Batu Bakaping. Seatiok dusun mampunyoi asal usul yang babeda beda. Dusun nan patamo yaiko Dusun Pulau Laweh, pulau laweh berasa dari kato pulau nan laweh, pada dulunyo Dusun Pulau Laweh itu babantuak pulau nan laweh nan diapit oleh bantaran sungai nan memanjang, karano dusun tasabuik babantuak pulau nan laweh sahinggo dusun tasabuik diagah namo Dusun Pulau Laweh. Dusun nan kaduo yaio Dusun Lontik Sopan berasa dari kato Lereng, penduduak di sinan banyak tingga di lereng- lereng pabukitan, dusun iko hampia samo caritonyo dangan Koto Sopan Batu nan barado di Jorong Lareh Nan Panjang dan Dusun Sopan Batuang, penduduk di sinan sangatlah sopan- sopan, dari itu di diaglah namo dusun tasabuik sabagai Dusun Lontik / lereng Sopan. Dusun nan katigo adolah Dusun Nunggar, Nunggar berasal dari kata roboh / rapuh atau tumbang.
Dusun tasabuik dulunyo ado batang kayu gadang nan hiduik bapuluah-puluah tahun di sinan, mungkin kayu ini alah lapuk, batang kayu tasabuik tumbang, sainggo dari batang kayu tasabuik di beri namo dusun sabagai Dusun Nunggar. Dusun nan ka ampek adalah Dusun Sumur Gadang, kalau di
Jorong Lareh Nan Panjang tadapek Koto Sumua Anyia sahinggo di Jorong Taratak 12 tadapek Dusun Sumua Gadang,
. Sumur gadang itu sangaik berperan pantiang dalam keduipan penduduak di dusun tasabuik, sumua gadang tasabuk sangaklah banyak sakali manfaatnyo bagi penduduak di dusun tasabuik yaiko Aia untuak minum, nyuci pakaian, mandi dan lain lain. Karan sumua gadang itu sangaik baparan pantiang dan banyak manfaatnyo oleh penduduak di sinan , sahinggo di agilah namo dusun tasabuik sabagai Dusun Sumua Gadang. Dusun nan kalimo adolah Dusun Muara Panjang, dusun itu dulunyo adolah muara nan sangaik panjang dan ciek-cieknyo muara terpanjang nan ado di nagari Atar, dan karano ciek- cieknyo ado di nagari Atar sahinggo dusun itu diagiah namo Dusun Muara Panjang. Dan dusun nan torakhir adalah Dusun Batu Bakapiang, Dusun Batu Bakaping , batu tasabuik tabalah manjadi 2, tabalah nyo batu tasabuk bukan ulah manusia tapi oleh kehendak Tuhan Yang Maha Kuasa, dangan tabalahnyo batu itu surang sahinggo penduduak di sinan magah namo dusun tasabuik sebagai Dusun Batu Bakaping.
Di Nagari Atar tadapek talago di ate bukik, talago tasabui dulunyo adolah samak balukar nan tumbuah di sinan, Di sinan hiduiklah seorang kakek yang alah tuo renta, untuak bajalan sajo inyo manggunokan tungkek nan tabuek dari kayu tempek tasabuik. Kakek itu mempuyoi ruas jari babeda dengan orang lain, dimano orang kebanyakan 3 ruas jari sadangkan kakek ini mempunyoi 4 ruas jari. pado suatu katiko dusun tasabuik di landa musim kemarau nan panjang, sahinggo banyak sumua- sumua penduduak nan kariang dan penduduak di sinan barusaho mencari aia kesinan dan kemari namun inda ado hasilnyo. Begitu juo dangan kakek itu nan barusaho mencari air kesinan kemari dan hasilnyo juo samo dangan penduduak nan lain, dan kakek itu baranti dan mahantakkan tongkat nyo ke tanah dan katiko kakek itu mencabuik tongkatnyo kalua
aia dari bekas lubangan tongkat kakek tasabui dan kakek maraso sanang,indak lamo kamudian kakek itu baliak dan esok hari nyo aia di sinan mandi kabau lagi dan tampek makan kabau banyak punyo seorang nenek dari Jorong Taratak 12. Kabau nenek tasabuik sangaiklah banyak, kabau banyak tasabuik indak amua baliak ke kandang nyo, kabau tasabuik selalu makan dan mandi di sinan. Sairing bajalannyo waktu samak balukar tasabuk ala abi di makan kabau tasabuik, tapi tampek mandi nyo samakin gadang, kabau tasabuik indak amua poi dari sinan, satiok hari kabau banyak tasabuik mandi di sinan dan tampek mandi nyo tasabuik samakan gadang dan samakin dalam.
Ado saikua kabau nan mampunyoi tanduak ame pakai lonceng di lehernyo masuak ka dalam telago tasabuik, kato panduduak nan malihek di sinana dan penduduak tasabuik selalu malihek kabau batanduak ame tasabuik dan akhirnyo kabau tasabuik tindak kunjuang kalua. Sajak masuak nyo kabau batanduak ame tasabuik sahinggo tampek mandi kabau tasabuik semakin gadang, laweh dan dalam, lamo kelamoan tajadilah talago tasabuik.
Penduduak di sinan mangatokan bahwa aia talago tasabuik berasa dari aia danau singkarak. Menurut penduduk satampek katiko ado hujan di siang hari sahinggo di tangah- tangah telaga tasabuik kalua cahayo dari aira talago tasabuik seperti cahayo ame dan ado bunyi seperti lonceng di sinan dan aia nyo itu akan menjadi merah dan keruh, kalau kito melihek cahayo tasabuik sahinggo akan sakik paruik dan mato kito akan sakkt, kato penduduak satampek.
Penduduak di sinan mangatokan barang siapo nan malihek makhluk nan bawarna itam di telago tasabuik akan mati, or- ang nan malihek tasabuik indak bisa di obati dan itu udah tabukti pado tahun 2010 ado seorang laki laki nan sadang manciang ikan di sinan tibo-tibo inyo malihek makhluk nan itam
di sinan semacam lintah dan laki laki tasabuik sakik salamo 2 bulan dan indak bisa di obati dan akhirnyo laki laki tasabuik maningga dunia (mati).
Kato penduduak satampak aia talago itu baganti satiok tahun, ado aia nyo nan warnanyo Merah, Hijau, Coklat dan Biru, dan warna aia talago tasabuik nan lamo warna aia nyo adolah warna biru sahinggo diagialah namo oleh penduduak Tmpek sabagai Talago Biru.
Ado juo batu na hiduik di dasar bukik, bukik itu namo nyo buki Kasumboh, di dasar bukik itulah tadapek batu nan hiduik, batu itu satiok tahun batambah ukuran gadang. Batu tasabuik di bawah batang kayu Beringin nan sangaik rindang, konon caritonyo di dalam batu tasabuik ado saperti makhluk gaib nan hiduik dii sinan, batu tasabuik warnanyo itam ke abu- abuan, tampek batu itu sangaik jawuah dari pemukiman penduduak, di sinan banyak ladang karet, satiok hari penduduak nan pai bakarajo melalui batu teasabuik mangatokan bahwasonyo batu tasabuik bana-bana hiduik dan tumbuah gadang. Udah bapuluah-puluah tahun batu itu masih ado di sinan dan indak bisa di pindah-pindahkan karano batu itu sangaik gadang dan barek, susah untuak mancabuiknyo dari sinan. Batu tasabuik dulunyo sangaiklah gadang tapi oleh ulah tangan manusia batu tasabuik sudah agak ketek karano batu tasabuik sudah banyak dipacah-pacah untuk diambiak dan dijadikan sebagai batu akik, konon caritonyo batu itu bisa membuek kito sehat kato penduduak satampak dan kini batu itu alah banyak dilihek orang , diambiaknyo dan kini batu itu alah indak barukuran gadang aii tapi alah ketek.
Nagari Atar dulunyo penduduak tasabuik sangatlah payah untuak manghidupan kaluarganyo, dulu penduduak Nagari Atar tasabuik sangatlah payah ekonomi nyo. Penduduak nagari Atar tasabuik pantang manyarah untuak mancari karajo nan halal. Penduduak nagari Atar indak sanggup untuak hiduik
saparti itu tarui sahinggo ado sabagian penduduak nagari Atar tasabuik nan poi marantau ke tanah Jawa.
Penduduak nagari Atar tasabuik ingin pulo hiduik saperti orang tapandang di kota-kota gadang. Penduduak nan poi marantau tasabuik bakarajo sebagai Foto Copy di tampek orang dan inyo sebagai karyawan. Alah bapuluah -puluah tahun, barulah inyo mandapekkan milik foto copy itu inyo surang. Dengan berhasilnyo foto copy tasabuik ,sahinggo penduduak nan menganggur di desa ingin juo bakarajo seperti parantau-parantau Nagari Atar nan ado di tanah Jawa tasabuik. Sahinggo poi lah penganggur-penganggur dari Nagari Atar ini ke tanah Jawa sebagai karyawan foto copy di sinan dan indak hanyo di tanah Jawa sajo tapi alah tasebar di kota-kota gadang penduduak nagari Atar tasabuik sebagai karyawan foto copy.
Sairing bajalannyo waktu, penduduak nagari Atar tasabuik ala sukses di kota-kota gadang sebagai pakarjo foto copy, sainggo pado tahun tertentu perantau-perantau Nagari Atar tasabuik baliak kampuang basamo untuak batamu dengan keluarga tacintonyo. Nagari Atar sajak itu boleh alah dikatokan bakambang karano sajak itu indak banyak penduduak nagari Atar nan kakurangan ekonomi nyo lai, karano hampia satiok kapalo keluaga mampunyoi family nan merantau ke kota-kota gadang dengan karajo sebagai foto copy, dan dari hasil bakarajo foto copy itulah inyo manghiduikan keluarganyo di kampuang.
Karano sumber keberhasilan penduduak nagari Atar adolah foto copy, sahinggo Nagari Atar dijuluki sabagai nagari (desa) foto copy dan penduduak nagari Atar mambuek sabuah tugu foto copy untuak malambangkan Nagari Atar tasabuik dan sampai ini penduduak nagari Atar banyak bakarajo sebagai foto copy. Dan ini penduduak nagari Atar alah banyak sukses di negeri orang lain, berkat karajo kareh dan usaha nyo .
Pado carito rakyat sangaiklah bafungsi bagi manusia sadonyo karano carito rakyat sangaik berparan penting dalam kahiduipan sehari-hari, karano carito rakyat sangaik banyak mangandung nilai-nilai moral, spiritual, adat istiadat, budaya dan sosial, malalui cerita rakyat kita dapek manaetahui kebudayaan dan adat istiadat.
Bahwasonyo kito dapek mangatahui carito-carito menarik dari nagari kito masing-masiang, kito dapek mangatahui caro- caro hiduik orang-orang dulunyo dan adat istiadat orang dulu dan kebudayaan orang dulu dan kito dapek mangatahui asal usul sabuah Nagari. Jan sombong dengan apo nan kito miliki dengan hasil-hasil budaya nagari masaing-masing karano itu hanyo Allah SWT nan punyo dan akan kembali kepadanyo sadonyo.
Syukuri apo nan diagiah oleh Allah kapado kito dan jan parnah mengingkari nikmat Allah tasabuik. Jan lah pernah kito bamusuhan antar umat, selalu lah bakarajo samo dalam hal nan positif dan hal-hal yang negatif buang jawua-jawua dari kadupan kito agar kito selamaik dari bahayo.
Sasamo kito indak buliah ado dusta dan bohong karano itu akan marusak diri kito surang dan banyak orang lain, kito indak buliah babuek curang, karano itu adolah pabuatan nan dibenci oleh Allah SWT, babueklah semastinyo jan pernah melampaui batas kemampuan kito sebagai umat nan taat peraturan, taat kepado Allah dan taat kepado peraturan nan berlaku. Dalam carito iko kito bisa mangambiak hikmah nyo yaiko kito harus saling bakarajo samo dalam hal nan positif, tidak gampang menyerah dengan hal apapun dan selalu basatu dan kompak dalam hal apapun.
Nenek moyang dulu mengajarkan untuak rela berkorban, ajaran tantang penting nyo kejujuran nan tasirek, carito rakyat sangat penting dalam kehidupan, karana dalam carito rakyat ini banyak tadapek nilai-nilai budi pekerti maupun ajaran moral
dan spiritual. Dalam sisi nilai moral ataupun nilai moral religi yaitu kepatuhan, pemberani, rela berkorban, jujur, adil dan bijaksana, menghormati, menghargai, bejerka keras , baik hati, rendah hati dan hati-hati dalam bertindak.
Nilai-nilai moral sosial meliputi bakarajo keras, suka manolong, kasih sayang, kerukunan, suko mambori nasehat, paduli sasamo manusia dan suko mendoakan orang lain. Nilai- nilai moral religi meliputi pacayo kekuasaan Tuhan, pacayo adonyo Tuhan, basarah diri kepado tuhan / tawakkal, mamohon ampun kepado Allah.
Bagaimano pun kesuksesan seseorang indak ado alasan bagi mereka untuak malupokan joso orang tuo nyo, karano keberhasilan nan berhasil diraih dan dimiliki seseorang indak lape dari peran dari orang tua. Allah indak meridhoi seseorang jiko seseorang itu ndak dapek restu dari orang tua nyo. Kito harus bakarajo kareh untuak mandapekan apo nan kito inginkan dan selalu berdoa kepado Allah SWT. Sapati Papatah Minang mangecekkan “ Barakik rakik kahulu, Baranang ranang katapian, Basakik sakik dulu, Basanang sanang kamudian”
Hanyo itulah Carito dari Nagari Atar, kalau ado kato nan salah mohon maaf, nan bana datang dari Allah dan nan salah datang dari saya.
