Padang – Lai tau sanak baraso inflasi si Sumatera Barat pado bulan Februari patang ko agak maloncak tinggi? Baitu kaba nan didapek dari Badan Statistik Pusat (BPS) Sumbar. Tapi apo kolah nan manjadi sabab musabab naiaknyo inflasi ko?
Siaran pers BPS SUmbar manyabuikan baraso nan manyambabkan angko inflasi ko naikan baragam. Ado dek tiket kapatabang, ado dek konsumsi pangan, ado dek haragao lado.
Tapi nan bulan Februari ko yo agak tabasuik juo galak, karano nan manyababkan inflasi Sumbar ko naiak adolah jariang alias jengkol. Iko buah nan bauannyo ntah baun ntantaha, tapi herannyo katuju bana dek rang awak. Indak sajo rang awak. Di berbagai provinsi, jariang ko tamasuak menu idola.
“Ado babarapo komoditas nan dominan dalam mandorong inflasi, tamasuak jariang dengan kontribusi 0,04 persen, lado merah 0,26 persen,” kecek Kapalo BPS untuak Provinsi Sumatera Barat, Nurul Hasanudin.
Salain lado merah jo jariang, komoditas lain nan dominan manyababkan inflasi di wilayah Minang adolah dagiang ayam ras murni nan mangalami inflasi 2,70 persen atau manyumbang 0,04 persen.
Kamudian, kalompok parawatan pribadi jo jaso lainnyo juo manjadi pamicu utamo untuak inflasi bulanan 2,58 persen jo pangsa 0,14 persen di mano komoditas utamo adolah parhiasan ameh.
Salanjuiknyo adolah parumahan, aia, listrik jo BBM rumah tanggo juo manyumbang cukuik banyak pado inflasi, yaitu 0,80 persen jo kontribusi 0,14 persen pado komoditas utamo, parusahaan aia minum (PAM) tarif aia minum.
“Tarif air minum PAM alah kembali ke harago normal sasudah sabalunnyo diagiah diskon dek PDAM Kota Padang,” jalehnyo.
Sacaro umum, pado bulan Februari 2026, Provinsi Sumatera Barat mangalami inflasi 0,30 persen dibandiangkan jo Januari 2026. Samantaro itu, pado tahun kalender atau tahun hinggo kini, Sumatera Barat sabananyo mangalami deflasi 0,85 persen, dan pado basis tahunan ado inflasi 4,39 persen.
Nurul mangatoan baso tigo dari ampek kabupaten jo kota Indeks Hargo Konsumen (IHK) di Sumatera Barat mangalami inflasi bulan ka bulan jo inflasi tatinggi tajadi di Kabupaten Dharmasraya, yaitu 0,85 persen, diikuti dek Kota Bukittinggi persen20,50 persen, jo Kota Padang 0,50 persen. Samantaro itu, Kabupaten Pasaman Barat mangalami deflasi 0,13 persen. (tan parpatiah daari antara)
