Jatinangor — Komitmen Gubernur Mahyeldi Ansharullah, dalam mambangun tata kalola pamarintahan nan baiak (good governance), mampakuaik reformasi birokrasi, sarato maningkekkan mutu palayanan publik, mandapek pangakuan dari Institut Pemerintahan Dalam Negeri (IPDN),
Kampus nan banyak mancetak pemimpin ntun, mambari Anugerah Kartika Pamong Praja Madya kapado Mahyeldi sabagai panghargaan ateh kapamimpinan nyo nan dinilai berhasil mambangun birokrasi profesional, transparan, akuntabel, jo salalu mndahulukan kapantiangan masyarakat sabagai tujuan utamo pamarintahan.
Panghargaan tu disarahan langsung dek Rektor IPDN, Dr. Halilul Khairi, dalam upacara di Kampus IPDN Jatinangor, Kabupaten Sumedang, Jawa Barat, Rabaa patang ko (5/8/2026).
Rektor IPDN Halilul Khairi manyabuikkan, Mahyeldi dinilai mampunyoi komitmen nan kuat dalam mambangun pamarintahan daerah nan barasiah, profesional, jo tanggap ka kabutuahan masyarakat. Hal itu tampak dari upayo nan taruih dilakukan Pamarintah Provinsi Sumbar dalam manguatkan reformasi birokrasi, maningkekkan mutu palayanan publik, sarato mambangun budaya karajo aparatur nan inovatif jo adaptif.
“Pak Mahyeldi lah manjalankan kapamimpinan nan sanggup mambangun birokrasi nan profesional jo palayanan publik nan samakin baiak. Dek sabab itu, kami bangga mangangkek beliau sabagai Alumni Kahormatan IPDN,” kato Halilul Khairi.
Inyo manambah, kamampuan Pamarintah Provinsi Sumbar dalam mahadoki tantangan pambangunan, tamasuak pananggulangan bencana, manjadi bukti bahaso prinsip kolaborasi, transparansi, jo tangguang jawab dalam pamarintahan lah bajalan baiak.
Salain mambari panghargaan ka Mahyeldi, IPDN juo mangapresiasi para alumni APDN, STPDN, jo IPDN nan kini mambuek pangabdian di barbagai jabatan strategis di Sumatera Barat, dalam rangka manguatkan kualitas tata kalola pamarintahan daerah.
Manarimo panghargaan tu, Mahyeldi manyampaian bahaso Kartika Pamong Praja Madya bukanlah panghargaan untuak dirinyo sorang, tapi hasia karajo basamo sado jajaran Pamarintah Provinsi Sumbar, pamarintah kabupaten jo kota, aparatur sipil nagari, alumni IPDN, sarato dukungan masyarakat Sumatera Barat.
“Panghargaan ko bukan milik ambo pribadi. Ko adalah hasil karajo basamo saluruah aparatur pamarintah, pamarintah kabupaten jo kota, para alumni IPDN, sarato masyarakat Sumatera Barat. Dek sabab itu, panghargaan ko ambo pasambahkan untuak saluruah masyarakat Sumatera Barat,” kato Mahyeldi.
Manuruik Mahyeldi, panghargaan ko manjadi panyumangek untuak taruih manguaikkan pamarintahan nan barasiah, transparan, profesional, akuntabel, jo malayani masyarakat jo sabaik-baiaknya.
“Ukuran kabarhasilan pamarintah bukannyo ditantukan dek gadangnyo anggaran ataupun banyaknyo program, tapi dek kamampuan para pemimpin mambuek kabijakan mambari jalan kalua ateh persoalan masyarakat jo maningkekkan kasajahteraan urang banyak. Aparatur adalah pelayan nagara. Tugasnyo indak sakadar manjalanan aturan, tapi juo mambari solusi, mandanga aspirasi masyarakat, sarato mambari palayanan nan capek, tepat, jo adil,” kecek Mahyeldi.
Mahyeldi mangajak saluruah aparatur untuak taruih mambangun budaya karajo nan kolaboratif, inovatif, jo adaptif. Manuruik inyo, kepercayaan masyarakat adolah modal nan paliang maha dalam pamarintahan, nan mesti dijago malalui karajo nyato, palayanan nan bakualitas, jo kabijakan nan salalu bapihak ka rakyat.
Sabalun mangikuti prosesi penganugerahan, Mahyeldi mambari pambekalan kapado Praja IPDN asal Sumatera Barat. Dalam arahannyo, inyo maajak para calon pamong mambangun integritas, profesionalisme, jo samangat pangabdian sabagai landasan utamo dalam manjalanan tugas pamarintahan.
“Jadilah aparatur nan malayani masyarakat, bukan mintak dilayani. Bangunlah pamarintahan nan barasiah, tabukak, jo salalu bapihak ka rakyat. Itulah makna sabananyo pangabdian urang pamong,” pasan Mahyeldi.
Prosesi penganugerahan barlangsung khidmat jo dihadiri pimpinan IPDN, ribuan Praja IPDN, Ketua IKAPTK Provinsi Sumbar Martias Wanto, Staf Ahli Gubernur Bidang Hukum, Politik, jo Pamarintahan Jasman Rizal, Asisten Pamarintahan jo Kasejahteraan Rakyat Ahmad Zakri, sarato sajumlah kapalo OPD di lingkungan Pamarintah Provinsi Sumbar.
Panghargaan Kartika Pamong Praja Madya nan ditarimo Mahyeldi manjadi pangakuan nasional bahaso Sumatera Barat kini taruih manguatkan tata kalola pamarintahan nan baiak. Panghargaan ko juo manjadi panyamangek untuak taruih mambangun birokrasi nan basih, transparan, akuntabel, efektif, jo salalu mandahulukan kapantiangan masyarakat sabagai tujuan utama pambangunan daerah. (Tan Parpatiah)
Jatinangor — Komitmen Gubernur Mahyeldi Ansharullah, dalam mambangun tata kalola pamarintahan nan baiak (good governance), mampakuaik reformasi birokrasi, sarato maningkekkan mutu palayanan publik, mandapek pangakuan dari Institut Pemerintahan Dalam Negeri (IPDN),
Kampus nan banyak mancetak pemimpin ntun, mambari Anugerah Kartika Pamong Praja Madya kapado Mahyeldi sabagai panghargaan ateh kapamimpinan nyo nan dinilai berhasil mambangun birokrasi profesional, transparan, akuntabel, jo salalu mndahulukan kapantiangan masyarakat sabagai tujuan utamo pamarintahan.
Panghargaan tu disarahan langsung dek Rektor IPDN, Dr. Halilul Khairi, dalam upacara di Kampus IPDN Jatinangor, Kabupaten Sumedang, Jawa Barat, Rabaa patang ko (5/8/2026).
Rektor IPDN Halilul Khairi manyabuikkan, Mahyeldi dinilai mampunyoi komitmen nan kuat dalam mambangun pamarintahan daerah nan barasiah, profesional, jo tanggap ka kabutuahan masyarakat. Hal itu tampak dari upayo nan taruih dilakukan Pamarintah Provinsi Sumbar dalam manguatkan reformasi birokrasi, maningkekkan mutu palayanan publik, sarato mambangun budaya karajo aparatur nan inovatif jo adaptif.
“Pak Mahyeldi lah manjalankan kapamimpinan nan sanggup mambangun birokrasi nan profesional jo palayanan publik nan samakin baiak. Dek sabab itu, kami bangga mangangkek beliau sabagai Alumni Kahormatan IPDN,” kato Halilul Khairi.
Inyo manambah, kamampuan Pamarintah Provinsi Sumbar dalam mahadoki tantangan pambangunan, tamasuak pananggulangan bencana, manjadi bukti bahaso prinsip kolaborasi, transparansi, jo tangguang jawab dalam pamarintahan lah bajalan baiak.
Salain mambari panghargaan ka Mahyeldi, IPDN juo mangapresiasi para alumni APDN, STPDN, jo IPDN nan kini mambuek pangabdian di barbagai jabatan strategis di Sumatera Barat, dalam rangka manguatkan kualitas tata kalola pamarintahan daerah.
Manarimo panghargaan tu, Mahyeldi manyampaian bahaso Kartika Pamong Praja Madya bukanlah panghargaan untuak dirinyo sorang, tapi hasia karajo basamo sado jajaran Pamarintah Provinsi Sumbar, pamarintah kabupaten jo kota, aparatur sipil nagari, alumni IPDN, sarato dukungan masyarakat Sumatera Barat.
“Panghargaan ko bukan milik ambo pribadi. Ko adalah hasil karajo basamo saluruah aparatur pamarintah, pamarintah kabupaten jo kota, para alumni IPDN, sarato masyarakat Sumatera Barat. Dek sabab itu, panghargaan ko ambo pasambahkan untuak saluruah masyarakat Sumatera Barat,” kato Mahyeldi.
Manuruik Mahyeldi, panghargaan ko manjadi panyumangek untuak taruih manguaikkan pamarintahan nan barasiah, transparan, profesional, akuntabel, jo malayani masyarakat jo sabaik-baiaknya.
“Ukuran kabarhasilan pamarintah bukannyo ditantukan dek gadangnyo anggaran ataupun banyaknyo program, tapi dek kamampuan para pemimpin mambuek kabijakan mambari jalan kalua ateh persoalan masyarakat jo maningkekkan kasajahteraan urang banyak. Aparatur adalah pelayan nagara. Tugasnyo indak sakadar manjalanan aturan, tapi juo mambari solusi, mandanga aspirasi masyarakat, sarato mambari palayanan nan capek, tepat, jo adil,” kecek Mahyeldi.
Mahyeldi mangajak saluruah aparatur untuak taruih mambangun budaya karajo nan kolaboratif, inovatif, jo adaptif. Manuruik inyo, kepercayaan masyarakat adolah modal nan paliang maha dalam pamarintahan, nan mesti dijago malalui karajo nyato, palayanan nan bakualitas, jo kabijakan nan salalu bapihak ka rakyat.
Sabalun mangikuti prosesi penganugerahan, Mahyeldi mambari pambekalan kapado Praja IPDN asal Sumatera Barat. Dalam arahannyo, inyo maajak para calon pamong mambangun integritas, profesionalisme, jo samangat pangabdian sabagai landasan utamo dalam manjalanan tugas pamarintahan.
“Jadilah aparatur nan malayani masyarakat, bukan mintak dilayani. Bangunlah pamarintahan nan barasiah, tabukak, jo salalu bapihak ka rakyat. Itulah makna sabananyo pangabdian urang pamong,” pasan Mahyeldi.
Prosesi penganugerahan barlangsung khidmat jo dihadiri pimpinan IPDN, ribuan Praja IPDN, Ketua IKAPTK Provinsi Sumbar Martias Wanto, Staf Ahli Gubernur Bidang Hukum, Politik, jo Pamarintahan Jasman Rizal, Asisten Pamarintahan jo Kasejahteraan Rakyat Ahmad Zakri, sarato sajumlah kapalo OPD di lingkungan Pamarintah Provinsi Sumbar.
Panghargaan Kartika Pamong Praja Madya nan ditarimo Mahyeldi manjadi pangakuan nasional bahaso Sumatera Barat kini taruih manguatkan tata kalola pamarintahan nan baiak. Panghargaan ko juo manjadi panyamangek untuak taruih mambangun birokrasi nan basih, transparan, akuntabel, efektif, jo salalu mandahulukan kapantiangan masyarakat sabagai tujuan utama pambangunan daerah. (Tan Parpatiah)
