Padang – Nampakyo bersamaan jo rencana ka mambuek terowongan di Lembah Anai jo Limapuluh Kota untuak kaparaluan jalan tol, PT Hutama Karya kini mambuek Pusat Studi Terowongan dan Infrastruktur Bawah Tanah (PUSTROIB) di Provinsi Sumatra Barat.
Pusat Studi ko malibatlan Universitas Andalas (Unand) jo para alumni dari babagai perguruan tinggi tanamo di Indonesia.
Dikutip dari laman bisnis.com, Direktur Operasi III Hutama Karya Iwan Hermawan manyabuikan baso pendirian PUSTROIB ko adolah langkah strategis untuak manjawek kebutuhan pembangunan infrastruktur nan makin kompleks.
Menuruik wee, karakteristik medan sarato geologi daerah ko memang paralu kajian teknis nan kuaik.
“Rencana terowongan jalan tol untuak Seksi Bukittinggi – Sicincin jadi tantangan nasional nan ndak sekedar dari aspek teknis, tapi juo lingkungan sarato kekayaan alam Sumbar nan musti dijago.
Sehinggo dengan adanyo kajian melalui PUSTROIB bisa maantisipasi resiko konstruksi, maningkekan aspek keselamatan,” kecek e, Salasa patang ko.
PUSTROIB dibuek sebagai pusek riset, inovasi, pengembangan kapasitas, konsultansi, sarato pemanfaatan ilimu pangatahuan di bidang terowongan.
Dek karano tu lah mako pusat studi ko handaknyo dapek mampakuaik praktek rekayasa, kompetensi SDM dan mambuek perencanaan teknis nan berbasis data.
Komisaris Utama Hutama Karya nan juo Ketua Ikatan Alumni Unand Denny Abdi mangatokan PUSTROIB ko akan sato mampakuaik kompetensi SDM nan kamambuek berbagai terowongan.
“Tantu sajo harapan kito bisa labiah mampacapek proses pembangunan terowongan di Sumbar ko tarutamo untuak tol Padang – Pakanbaru,” kecek nyo.
Gubernur Sumbar Mahyeldi juo baharok sangaik ka PUSTROIB untuak manjadi pusek peningkatan kualitas SDM khususnyo soal mambuek terowongan.
“Kami menyambut baik usaho mambuek PUSTROIB di Unand ko. Tantu akan sangaik bamanfaat bagi Sumatra Barat karano topografi nyo nan ndak data ko,” kato Mahyeldi. (Tan Parpatiah)
