Padang — Program pulang kampuang perai kutiko Rirayo bisuak ko nan diadoan dek Kementerian Perhubungan RI masih mambukak kesempatan untuak urang-urang awak nan nio pulang kampuang sacaro perai alias ndak mambyioa sarimih alah juo. Sampai awal Maret 2026, kuota pajalanan ka Sumatera Barat dilaporkan masih tasadio untuak rang awak nan nio mamanfaatkan fasilitas ko.
Program ko marupokan solusi untuak masyarakat perantau, tarutamo nan barado di Jakarta jo sakitarnyo, sahinggo mereka bisa baliak ka kampuang halaman dengan aman dan nyaman manjalang hari Rirayo Idul Fitri.
Taun ko, pamarintah manyadiokan 25 buah bus khusus untuak perantau nan ka pulang kampuang tu. 15 bus untuak arus pulang kampuang dari Jakarta ka Sumatera Barat dan 10 bus untuak ka babaliak ka Jakarta sasudah Rirayo.
Pengawas Unit Layanan Terminal Anak Air Padang, Agus Sumarso mangatokan, proses pendaftaran masih balanjuik sahinggo masyarakaik masih punyo kesempatan untuak mandaftar.
“Tujuan utamo pajalanan pulang kampuang gratis ko adolah kota Padang di nan marupoan titiak kadatangan untuak kasado rombongan bus. Pendaftaran untuak program pulang kampuang gratis alah dibukak sajak 1 Maret 2026 dan dilakukan sacaro online malalui situs web resmi nan disadiokan dek pamarintah di situs web resmi nusantara.kemenhub.go.id, caliak se sinan,” kato Agus.
Sasudah maisi formulir pendaftaran online, peserta diwajibkan untuak mamverifikasi atau mamvalidasi data langsuang di sajumlah lokasi nan alah ditantuan sabalunnyo. Babarapo tampek nan disadiokan untuak proses validasi antaro lain, Kementerian Perhubungan, Jakarta Pusat, Gelanggang Olahraga Bulungan, Blok M, Jakarta Selatan, Terminal Poris Plawad, Tangerang, Terminal Pondok Cabe, Tangerang Selatan, Terminal Kayu Ringin, Bekasi, Terminal Jati Jajar, Depok.
Proses validasi ko paralu bana untuak mamastikan data peserta sasuai jo syarat nan ditetapkan dek panyelenggara.
Blio barangkek dari Jakarta? Dijadwalkan tanggal 18 Maret 2026. Kasado peserta akan barangkek dari Terminal Kampuang Rambutan di Jakarta. Satibonyo di Sumatera Barat, panumpang akan diturunan di Terminal Anak Air Tipe A di Kota Padang salanjuiknyo peserta nan ka kampuang masiang-masiang dipasilahkan untuk mancari angkutan lokal. Sadangkan jadwal samantaro untuak baliak ka perantauan, direncanakan tanggal 25 Maret 2026 dari Terminal Anak Air Padang juo. (tan parpatiah dari berbagai sumber)
