Padang Panjang — Lah dipastikan baraso Rirayo nan katiobo ko, jalur lalu-lintas Padang- Bukittinggi indak kadibuek saarah (one way) co tahun nan taralah untuak mahindari kemacetan. Pemerintah Provinsi Sumatera Barat memastikan ndak akan memberlakukan sistem satu arah tu dek lantaran lun salasainyo perbaikan Lembah Anai nan dihondoh galodo bulan November tahun lalu.
Kecek Sekdaprov Sumbar Arry Yuswandi, nan saat datang menyilau progres perbaikan jalan Lembah Anai tu hari Sinayan, sistem one way ndak bisa diterapkan demngan kondisi jalan co iko.
“Kito maimbau warga kalau lewat di siko rirayo nanti jan baranti pulo mamoto-maoto atau basantai, sebab jalan pasti akan macet,” kato Arry Yuswandi.
Nyo pasan kan pulo baraso Lembah Anai ko masih dalam tahap perbaikan saat rirayo tu. Meskipun arus lalu-lintas lah bisa lewat tapi daerah ko alun sapanuahnyo aman dan masih dalam proses dikarajoan. “Nan paralu awak lakukan adolah maantisipasi kamungkinan nan paliang buruak untuak mamastian kasalamatan umum. Karano itu, para pengemudi dilarang baranti di sapanjang rute ko,” katonyo.
Samantaro tu Kapalo Biro Hukum Sekretariat Provinsi Sumatera Barat, Masheri Yanda Boy, mangatoan baso pamarintah mangarati jo kamungkinan adonyo pabedaan pandangan dari sajumlah pihak, tapi langkah-langkah nan diambiak difokuskan pado usaho untuak mancagah risiko nan labiah gadang.
“Kalau pamarentah batindak bisa disalahkan, kalau indak batindak bisa pulo disalahkan. Tapi nan jaleh, keselamatan umum harus tatap manjadi pertimbangan utamo,” katonyo.
Kini ko, pabaikan pado bagian jalan Lambah Anai masih balanjuik dan ditargetkan untuak salasai salasai pado bulan Juni bisuak, walaupun salamo hari rayo Idul Fitri rute tatap tabukak 24 jam untuak mandukuang mobilitas masyarakaik.
Hari Satu kapatang ko ado lo jalan tu nan tabah sahinggo mambuek lalu-lintas Padang – Bukittinggi atau sabaliaknyo mancari macet total. “Ambo manampuah Padang Panjang sampai ke Padang dalam wakatu tujuah jam, yo sabana rangkik wak dek macet total tu,” kato Armen surang supir travel. (tan parpatiah)
Rirayo Bisuak Padang-Kiktenggi Ndak Pakai One-Way
