Padang — Disabuik sebagai perusahaan nan marusak rimbo, 28 lapan buah perusahaan dicabuik izinnyo dek Presiden Prabowo Subianto, mulai hari salasa patang. Pencabutan izin ko lah lamo na dinanti-nanti dek rakyat, sajak babarapo Presiden sebelum Prabowo.
Tantu sajo keputusan ko sabana mambuek masyarakaik sanang bacampua jo takajuik, sebab ndak disangko Presiden nan kini tanyato mamanuhi janjinyo untuk manjago rimbo dari ulah usaho-usaho nan marusak lingkungan.
Salasa patang, Istana maumumkan daftar 28 parusahaan nan izinnyo alah dicabuik tu. “Pak Presiden maambiak kaputusan untuak mancabuik izin 28 parusahaan nan tabukti malakukan palanggaran,” kecek Mantari Sekretaris Negara Prasetyo Hadi.
Kecek Prasetyo, 28 parusahaan tu diantaronyo 22 adolah Perusahaan Besar Pemanfaatan Hutan (PBPH) jo 6 parusahaan di sektor panambangan, perkebunan jo perizinan nan bausaho untuak mamanfaatkan hasil hutan kayu atau PBPHHK.
“28 perusahaan tu tadiri dari 22 perusahaan PBPH Hutan Alam jo Hutan Perkebunan, nan lawehnyo 1.010.592 hektar, sarato 6 perusahaan di sektor panambangan, perkebunan jo perizinan nan bausaho untuak mamanfaatkan kayu atau PBHK untuak kayu,” keceknyo.
Di Sumbar ado 6 unit perusahaan PBPH nan ikuik dicabuik: PT. Minas Pagai Kayu, PT. Energi Andalan Biomassa, PT. Bukit Raya Mudisa, PT. Dhara Silva Lestari, PT. Sukses Kayu Jaya dan PT. Salaki Summa Sejahtera.
Ditambah duo Badan Usaho Non Kehutanan nan dicabuik di Sumbar, yaitu, PT. Perkebunan Pelalu Raya jo PT. Inang Sari.
Kaputusan untuak mancabuik izin ko disampaian dek Mantari Sekretaris Negara basamo jo Satgas Pengendalian Kawasan Hutan (Satgas PKH) di Istana Presiden pado 20 Januari 2026.
Wakil Mantari Lingkungan Hiduik, Diaz Hendropriyono, mangatoan Presiden alah mamutuihan untuak mancabuik izin 28 parusahaan nan tabukti malakukan palanggaran lingkungan jo mampaburuak dampak banjir jo longsor hidrometeorologis di provinsi Aceh, Sumatera Utara jo Sumatera Barat.
“KLH mandukuang sapanuahnyo langkah Presiden sabagai bantuak komitmen pamarintah untuak managakkan hukum lingkungan,” kecek Diaz, hari Rabaa.
28 parusahaan tu dianggap indak mamanuahi katantuan Undang-undang Nomor 32 taun 2009 manganai Perlindungan jo Pengelolaan Lingkungan Hidup sarato Peraturan Pamarentah Nomor 22 taun 2021.
Sajak bencana tajadi, Kementerian Lingkungan Hidup alah malakuan pamantauan jo kajian nan intensif, tamasuak manelaah kacocokan pangalolaan lingkuangan jo komitmen nan takanduang dalam pajanjian lingkuangan. (*)
