Padang — Ulah dek menggaleh ameh nan dak sah, urang India nan banamo A (39) ditangkok polisi di Solok, hari Kamih malam (20/8/26). Dari rang India ko disita lo dek polisiu ameh sabarek 1,4 Kg sabagai barang bukti. Kepolisian Daerah Sumatera Barat manduga urang India ko talibat dalam perdagangan ameh nan barasa dari aktivitas tambang lia.
A ditangkok dek jajaran Subdit IV Ditreskrimsus Polda Sumbar di sabuah SPBU di Kecamatan Lubuk Sikarah, Kota Solok, Kamih (20/8/2026) malam sekitar pukua 21.45 WIB. Kepala Bidang Humas Polda Sumbar Kombes Pol Susmelawati Rosya manyabuik, Si A alah ditetapkan sebagai tasangka dan kini manjalani pemeriksaan intensif di Polda Sumbar.
“Pelaku nan ditangkok adolah warga negara asiang laki-laki. Kiniko masih manjalani pemeriksaan secaro intensif di Polda Sumbar,” kato Susmelawati dalam jumpa pers di Padang, Jumaik (21/8/2026).
Dalam jumpa pers tu, Susmelawati didampingi Kasubdit IV Ditreskrimsus Polda Sumbar AKBP Okta Rahmansyah.
Okta manarangkan, penangkapan A iko mulonyo dari informasi nan ditarimo polisi tantang adonyo transaksi ameh nan diduga barasa dari aktivitas pertambangan tanpa izin. Polisi kamudian malakukan penyelidikan untuak manelusuri transaksi tu.
Dari hasia penyelidikan, petugas mandapati kebaradoan A di Kota Solok. Polisi kamudian manangkok tersangka di SPBU Kecamatan Lubuk Sikarah sekitar pukua 21.45 WIB.
Dari tangan tersangka, polisi manyita tigo batang ameh dengan barek total sekitar 1,4 kilogram. Polisi juo manyita timbangan digital, pitih tunai Rp6,03 juta, telepon seluler, jo barang bukti lainnyo.
Pemodal di Malaysia
Dari pemeriksaan samantaro, polisi manduga A bakarajo ateh suruhan saurang pemodal banamo N nan barado di Malaysia.
A diduga disuruah mambali ameh dalam bantuak lempengan nan barasa dari aktivitas pertambangan tanpa izin di Kabupaten Sijunjung jo Gerabak Data, Kabupaten Solok.
“Setelah bahasia mengumpuakan barang, selanjutnyo ameh tu akan dijapuik dek orang kepercayaan N untuak dibao ka Malaysia. Namun, pelaku diamankan sabalun barang bapindah tangan,” ujar Okta.
Polisi kini masih mandalami siapa sajo nan talibat dalam jaringan tu, tamasuak pihak nan diduga mambaok ameh, pemodal, sampai rencana pengiriman ameh ka lua nagari.
Okta manyabuik, pihaknyo akan taruih mangambangkan kasus tu untuak mambongka seluruh mato rantai perniagaan ameh nan diduga barasa dari tambang ilegal.
“Kami juga taruih melakukan pengembangan kasus agar mato rantai nan takaik dengan aktivitas pelaku iko bisa diungkap,” katanyo.
Karano kasus ko malibatkan warga negara asing, Polda Sumbar akan bakarajo samo jo pihak Imigrasi jo Kedutaan Besar India.
Koordinasi tu dilakukan untuak manjamin proses hukum tahadap tasangka bajalan sesuai aturan, sekaligus manangani aspek keimigrasian jo hak-hak tasangka sebagai warga negara asing.
Dijerat UU Minerba
Ateh dugaan perbuatannyo, A diproses badasarkan UU Nomor 3 Tahun 2020 tentang Perubahan ateh UU Nomor 4 Tahun 2009 tentang Pertambangan Mineral jo Batubara juncto UU Nomor 1 Tahun 2026.
Polisi menggunakan Pasal 161 UU Minerba nan mangatur ancaman pidana bagi pihak nan mamodali, mamanfaatkan, malakukan pengolahan jo/atau pemurnian, pangangkutan, atau manjua mineral jo/atau batu bara nan indak barasa dari pemegang izin nan sah.
Polda Sumbar manegaskan akan taruih manindak aktivitas pertambangan ilegal di wilayah Sumataa Barat. Polisi juo masih mangambangkan kasus ko untuak mambongka jaringan parniagaan ameh ilegal nan diduga malibatkan pihak lain, baik di dalam maupun di lua nagari.
Kasus ko manjadi perhatian karano selain diduga malibatkan hasia tambang ilegal, ameh nan dikumpuakan tasangka diduga akan dibao ka Malaysia. Polisi masih mandalami saluruh jalur perniagaan tu, tamasuk pihak nan diduga menjadi pemodal jo jaringan nan manunggu pengiriman ameh ka lua nagari. (Tan Parpatiah)
