Padang Aro — Polisi di Sumatera Barat kini makin serius mamberantas tambang ameh lia di babagai Kabupeten nan sabalun ko banyak disorot.
Lun lamo ko Polres Solok Selatan mancokok sejumlah penambang lia di Jorong Jujutan Kecamatan Sangir kutiko mereka sadang basiungkik mancari ameh.
Polisi langsuang manahan para penambang dan maruntuahan base camp darurat nan dibuek di situ basarato manyita sejumlah pakakeh nan dipagunakan
“Ekskavator nyo kami ambiak sebagai barang bukti tapi urang-urangnyo kini lun ado nan ditahan,” kato Kapolres Solok Selatan AKBP Faisal Perdana ka wartawan di Padang Aro, Jumaik patang.
Operasi penindakan tu dipimpin langsuang dek Kasat Reskrim Polres Solok Selatan, AKP Muhammad Yogie Biantoro.
Tampek manambang tu memang agak sulik ditampuah, tapi berakaik informasi dari masyarakaik , polisi sampai juo di lokasi dan langsuang maambiak tindakan. Sayangnyo urang-urangnyo lah bih lari duluan.
“Satgas Anti Ilegal Mining Polres Solok Selatan berhasil manahan ciek excavator nan dipakai para penambang lia tu. Walaupun para pelaku tu lah mailang, tapi identitas mereka lah ado jo kami dan tetap akan dikaja,” kato Faisal Perdana.
Setelah diamankan dari lokasi, excavator merk Hyundai tu langsuang dibao ke Markas Polres Solok Selatan untuak jadi barang bukti guno mandukuang proses penyidikan.
Samantaro tu Wahana Lingkungan Hidup Indonesia (WALHI) Eksekutif Nasional basamo jo WALHI Sumatera Barat lah mambuek laporan ka Mabes Polri, Komnas HAM, Ombudsman, sarato sejumlah kementerian.
Langkah ko ditampuah dek Walhi karano mereka menganggap pemerintah daerah Sumatera Barat gagal mainduangi warganyo dari kerusakan lingkungan, tarutamo akibat aktivitas pertambangan, khususnya Pertambangan Emas Tanpa Izin (PETI).
Direktur WALHI Sumatera Barat, Tommy Adam , manyabuik baso Sumatera Barat lah kailanhan 320.000 hektar hutan primer sepanjang tahun 2001-2025, sarato 15.000 hektar di antaranyo ilang pado tahun 2025.
Tommy manjalehan baso kayu hasia pembalakan lia tabao sampai ke tapi lauik kutiko banjir, manandokan kerusakan serius di hulu. Salah satu pamicunyo adolah penambanga lia khusunya tambang ameh lia.
“PETI taseba di 9 kabupaten/kota, menyebabkan 50 korban jiwa akibat tahimpok sajak 2012, dan marusak labiah dari 10.000 hektar lahan. Kadar merkuri di Sungai Batanghari lah mancapai 5,1 mg/L atau 5.000 kali di ateh baku mutu. Dampaknyo setelah dipareso, ampek dari 10 panambanb darahnyo manganduang merkuri nan malabiahi ambanh bateh,” kato Tommy sarupo nan dikutip dari situa Walhi.
Walhi, katonyo juo manamulan tambang ilegal nan beroperasi sekitar 60 meter dari kantua Bupati Sijunjung. “Itu hanyo bajarak 10 meter dari jalan negara,” kecek Tommy.
Selain tu, WALHI Sumatera Barat mencatat adanyo kekerasan fisik terhadap warga dan aktivis, termasuk pemukulan terhadap Nenek Sauda di Rao Pasaman sarato kekerasan terhadap aktivis Wilson nan maakibatkan 50 jahitan di kapalonyo.
Secara total lah 48 urang mati dek tahimpok kutiko manambang. (Tan Parpatiah/babagai sumber)
